趕喺今年結束之前，台北市立動物園嘅長頸鹿「小麥」順利誕下第 2 胎寶寶，母女平安！
寶寶一落地，「小麥」便即刻協助將胎衣咬開，而且不斷咁舔舐新生寶寶嘅頭部，為佢清理鼻端嘅黏液，令佢保持呼吸道暢通。
獸醫及保育員一直喺外圍守候觀察，直至寶寶靠自己嘅力量成功站立，並且喺「小麥」媽媽嘅引導下，順利吮乳，大家先至鬆一口氣。
新生嘅長頸鹿妹妹遺傳到媽媽「小麥」高挑嘅身型。台北唔少市民都想趁假期去探下「小麥」兩母女，不過獸醫及保育員考慮到目前北台北氣溫偏低，會暫時畀「小麥」同寶寶盡量留喺室內保暖，預計最快 2021 農曆年前後，長頸鹿「小麥」同新生寶寶就可以出嚟同大家見面拜年喇！
資料來源：Taipei Zoo 台北市立動物園
