貓奴們,準備尖叫吧!今個中秋,足足有 5 米高嘅超爆萌主「碌碌」即將空降新都會廣場「喵喵遊園會Meow Plaza」。於 9 月 19 日至 10 月 31 日,商場打造咗 6 大超萌打卡位,畀一眾貓奴盡情打卡放閃!
遊園會又點止得打卡位吖!打完卡之後,記得去埋「療癒喵島」朝聖!島上聚集咗 25 隻「喵星人」,去到呢度必定令你感覺猶如置身日本愛媛縣貓島。想吹住涼風休息下,或者想同家人食完個 tea 想散散步,一齊行下可以輕鬆被貓咪療癒嘅路線,嚟呢度就啱喇!
散完步,記得要留到夜晚欣賞埋每晚 6-10:00 嘅「夢幻彩光騷」呀!此時「喵之秋橋」、巨型「七彩線球」和「貓抓玩具」等打卡位均會加入夢幻繽紛嘅浮動光影效果,配合輕快嘅樂章,整個露天廣場及空中花園將搖身一變成為幻彩遊樂園。喺圓月光影嘅映照下,有巨喵「碌碌」作伴,今個中秋,新都會廣場定必成為貓奴們最佳團圓嘅賞月勝地呀!
資料及相片來源:metroplaza.hk