唔少主人平日公務繁重，好難騰空一整日陪毛孩呢度去嗰度去。嚟緊一連幾日聖誕假，除咗可以同毛孩效遊之外，如果主人怕效區太凍同太大風，喺市區其實都可以好好同毛孩一齊享受 Me Time 㗎！為咗方便大家起見，小編好抵諗，預先幫大家規劃咗一個市區版嘅「聖誕一日遊」行程，睇下大家啱唔啱洗吖！
第 1 站：屋企幫毛孩扮靚靚
假期想瞓晏少少，但係又想幫毛孩扮靚靚喎，不如試下揾專業寵物美容師上門幫狗狗美容吖。唔知邊度搵？小編當然有好介紹啦！呢間 Pet Pet & Friends 小編幫襯過嘅，所以好安心介紹畀大家。
佢哋嘅美容師有多年寵物美容經驗，對狗狗超有耐性，有佢哋上門幫你狗狗扮靚靚，你絕對可以好安心喺屋企一邊慢慢歎住個早餐，一邊望住狗狗由街童變成公主王子，過程仲好治癒添㗎！佢哋收費都只係 HK$420 起 (價錢由狗狗大小而定)，價錢合理。
溫馨提示：聖誕假期間，主人想 book 最好預早一星期前好 book 喇，佢哋啲 booking 都幾 full 下㗎！
Pet Pet & Friends
預約電話：6469 0989
Facebook: www.facebook.com/petpetnfriends
第 2 站：食個靚 lunch 歎杯酒 chill 一 chill
位於尖沙咀諾士佛臺嘅西餐廳 The Blind Pig 係一間 pet-friendly 嘅餐廳。餐廳裝潢極盡英倫風，主人同狗狗可以喺寬敞嘅戶外餐桌位置用餐。悄悄話：餐廳依家做緊優惠，只要讚好餐廳專頁，叫 set lunch 即送一杯啤酒或 house wine，啱晒一眾想 chill 下嘅主人。小編試過佢個 set lunch menu，食物質素好有水準，嚟到必試佢嘅招牌慢煮豬肋骨 (HK$128) 先好走呀， juicy 又惹味，包你一試愛上！
The Blind Pig
地址︰尖沙咀諾士佛臺 1 號地舖
Facebook: www.facebook.com/theblindpighk
第 3 站：影輯靚相
相信身為主人嘅你唔難發現，毛孩嘅外貌都會隨住年齡增長會有好多唔同嘅轉變…想留住毛孩唔同階段嘅神態，每年幫佢影輯靚相就夠曬意義喇！要幫寵物影靚相，一位專業嘅寵物攝影師好重要，尋尋覓覓，終於畀小編遇上 Sens Pet Studio 呢間好 pro 嘅寵物影樓，攝影師超有耐性唔在講，在場仲有助手姐姐幫手氹狗，有佢哋，幾頑皮嘅狗狗都搞得掂！
此外，佢哋嘅拍攝場景夠曬特別，佢哋全港首創嘅玻利維亞式「天空之鏡」、「Under-PETS」全新角度看毛孩及動感「高速攝影」3 個 scene，真係無得輸！
唔好話好嘢唔益你呀！依家佢哋做緊半價優惠 – 寵物攝影套餐 (2 位小毛孩) 只需 HK$1,000 (原價：HK$2,388) ；寵物及家庭攝影套餐 (2 位主人 + 2 位小毛孩) 只需 HK$1,500 (原價：HK$5,288) 。
溫馨提示：主人想 book 最好預早一星期前好 book 喇，佢哋啲 booking 好 full 㗎！
Sens Pet Limited
地址︰旺角亞皆老街 118 號利寶大廈 D2 地舖
預約電話：3188 1682
Whatsapp 查詢：9518 1605
Facebook: www.facebook.com/SENSPETHK
第 4 站：食個 tea 歎杯啡、打個卡
Are u Labeler 係一間好文青 feel 又不失型格嘅咖啡店，打卡一流。店設數個室外位置供主人同狗狗用餐歎咖啡，天氣涼涼哋，坐戶外吹住自然風非常舒服。
咖啡絕對係每一間 cafe 嘅命脈，必須要妥善處理先至可以令客人好滿足咁離開，而呢點 Are u Labeler 完全做得到。小編大力推介佢嘅 Flat White (HK$42) ，濃醇夠 nutty，拉花又夠細緻； All-day breakfast (HK$98) 食材新鮮，賣相一流，色彩繽紛，黑松露炒蛋成為焦點，見到都令人流口水。
地址︰何文田梭椏道 25A 地舖
第 5 站：買份聖誕禮物送畀毛孩
聖誕節買份禮物畀毛孩是常識吧！影完靚相、食完個 tea，想喺附近購物絕對唔難吖！附近嘅勝利道、太平道有名你叫「寵物街」吖嘛，大把寵物嘢買呀！眾多店舖當中，小編特別想推介一間叫「犬工房」嘅寵物店畀大家。小店貨品大部分係日本入貨㗎，所以感覺特別精緻同高質。小編特別鍾意佢哋啲狗仔衫，款式多，質料好，款又靚；佢哋賣嘅狗狗小食亦係出面較少見嘅，例如蒟蒻蕎麥麵 (HK$63) 同馬肉粒 (HK$66)。唔係話崇日呀，但係唔知點解係日本進口嘅，心理上硬係覺得買得安心啲嘅！
犬工房
地址︰旺角太平道 11 號地下
Facebook: www.facebook.com/dogroomhk
第 6 站：寵物公園放電
位於油尖旺鬧市嘅寵物公園唔多，而喺渡船街同欣翔道交界之間就有一個，仲要幾四正嘅，面積約 2,600 平方米，主要有三塊草地夠曬畀狗仔放電㗎喇；加上公園設有圍欄，唔洗驚狗仔衝出街。小編視察過，呢個公園草地嘅質素都唔差，最低限度唔係光禿禿嗰啲，地方亦夠乾凈，感覺都幾良好。鬧市有個咁嘅質素嘅狗公園都算係咁啦，狗狗應該都無投訴㗎喇！
油尖旺寵物公園
地址：九龍渡船街 / 欣翔道交界
第 7 站：返屋企同毛孩煲 Netflix
出咗成日街，有乜好得過攤喺屋企梳化度抱住毛孩，食住零食煲 Netflix 吖！唔洗你叫，小編已經砰砰聲幫你揀咗 5 套啱你睇又啱毛孩睇嘅 Netflix 紀錄片出嚟啦！係咪做到嘢先？同毛孩一齊必睇 5 套 Netflix 紀錄片：https://cutt.ly/chX0LFf
