上星期介紹咗觀塘嘅露營主題餐廳,今日再為大家介紹另一個放狗熱點,一樣走露營風嘅餐廳。
依間位於西貢海傍街嘅餐廳以家庭式經營,雖然店面唔大,不過如果放完狗又想坐吓,絕對係一個好選擇。餐廳除咗歡迎寵物,仲有狗店長,大家可以碰吓運氣睇吓撞唔撞到。食物方面就以輕食為主,必試嘅有招牌香蕉煎餅,原條香蕉做餡料再加上朱古力醬,雖然邪惡但真係好難忍口,而店舖仲會推出期間限定嘅梳打特飲,解喝又清涼,絕對係放完狗歇腳嘅好地方。
狗店長係一隻可愛嘅金毛尋回犬,大家可以嚟碰吓運氣睇吓撞唔撞到佢
煎餅口味眾多,必試嘅一定係招牌香蕉煎餅,不過怕甜嘅朋友都可以試吓蛋餅。
飲品選擇凍熱都有,包括招牌泰式奶茶、洛神花香橙花茶等
餐廳資料:西貢營地
西貢海傍街 21 號地舖
營業時間:星期一至五 12noon – 7pm,星期六及日 12noon – 8pm
相片來源: @Akipp White @campaholic.saikung