每逢3月都有好多人去日本睇櫻花🌸,但其實香港都有靚靚花海㗎,喺大埔Lake house 除咗有純白小屋,超過兩萬朵荷蘭鬱金香🌷,仲可以帶埋狗狗🐶入去,狗狗加花海依個配搭本身就無得輸,加埋咁好天氣真係春遊好去處。 象徵著希望、愛情憧憬嘅粉紅色桃花樹喺湖中央燦爛地盛開,伴隨着湖邊草坪上色彩斑斕嘅鬱金香🌷,為Lake house 帶嚟一片浪漫氣氛。另外,仲可以參加飄浮花工作坊同埋白鷺湖木橋體驗,如果想將鬱金香帶返屋企仲可以喺花圃買花頭返去種植添,鬱金香花期有限,快啲同狗狗打卡📸喇!
6米高嘅桃花樹位於白鷺湖中央,象徵著希望,愛情,湖畔嘅鬱金香花海為園區帶嚟浪漫氣氛!
花海以紅、白、橙鬱金香為主,春暖花開影靚相無難度。
園區仲係寵物友善,最啱同狗狗嚟打卡,不過要小心唔好踩到花草。
最後仲可以喺花圃買鬱金香花頭返屋企種植。
地址: 大埔滘紅林路2號
時間: 12:00noon- 6:00pm (最後入場時間 5:15pm)
相片及資料來源: @Lake House @BebiBigMonster