今日係湯圓三歲生日，我千挑萬選揀咗長沙灣呢間「哈欠」嚟慶祝！我諗神徒就一定唔陌生啦！我就係第一次嚟，不過食物、環境、服務態度我都俾滿分！
我哋嚟試咗左嘢食先～
依個「大阪燒香酥雞扒配牛角包窩夫」$88
Fusion味十足！牛角包窩夫好鬆脆！$88 嚟講CP值好高！
蘑菇漢堡啱哂低碳嘅朋友！配埋蕃薯條，食素嘅朋友都有唔少選擇！
咖啡有分Nutty同Fruity，認真講究！
總體嚟講食物係我採訪過咁多間Pet-friendly餐廳嚟講水準最穩定同平均嘅～
食埋依個伯爵茶生酮蛋糕，真係超滿足啊！
湯圓生日點可以無佢份食呢？依個雞肉蔬菜壽司卷 $68份量夠兩隻細狗當小食share！
而且店員咁細心安排埋蠟燭就真係抵返晒啦！
帶狗狗去餐廳環境合唔合適都同樣重要！「哈欠」劃分咗個空間專屬俾毛孩同主人，不過大家都記得做個負責任嘅主人，一齊保護空間整潔呀～
依到打卡靚呢就肉眼可見啦！值得一讚嘅係樓底好高！
提供到一個冇壓迫咁嘅空間用餐，真係好符合餐廳主題！
座位非常寬躺，主人同毛孩都可以坐得好舒服～
拎好多嘢都唔怕冇位擺！
打卡嚟講我推介揀呢一個角落頭，陽光灑落嚟係點影到靚㗎！
所以餐廳整體都好滿足到中意打卡嘅主人！搬咗新店都好近地鐵站，去過舊店嘅大家依到都值得你二訪㗎！
今次介紹係咁多，想我下次介紹咩餐廳就留言話俾我聽啦！
📍 #哈欠 @haa1him3
長沙灣東沙島街149-151號地舖
港鐵深水埗站 D2 出口, 步行約3分鐘
⏱️星期一至日 10:00-22:30
