【旺角鬧市中的貓 CAFE 18 隻貓店長長駐CAFE 有貓無貓都可以嚕貓】
去旺角通常都係行吓街食吓飯，有無諗過仲可以去嚕貓😻? 最近旺角就開咗間過千呎嘅貓cafe，cafe主要分室內同室外兩部分，室內走工業風，室外就以露營做主題，草地上仲放咗帳篷、露營凳等唔同道具，最啱打卡🤩。
不過最吸引嘅都係cafe 入面18隻唔同品種嘅貓店長♥️，每隻貓貓都好活潑好動，貓奴可以盡情嚕貓同影相，就算平時無養貓嘅朋友都可以上嚟同佢哋近距離接觸。
Cafe 之前仲搞咗個萬聖節 dress code，18隻貓店長分別有唔同造型，超得意，大家行開旺角記得上嚟探吓貓店長喇😘
店舖資料: Furry Garden 貓の谷
旺角好望角大廈10樓02室(百老匯戲院對面個門口上樓)
