奴才們新年咁多好西食，主子無得食，點忍心呀？
小編都真係睇唔過眼呀！時間嘅關係，小編已經一早幫你哋班奴才左挖右挖，搵咗唔少專為寵物而設嘅賀年食品同全盒，有益健康又好味不特止，賣相一流，係人類見到都想食嗰隻添呀！好啦，搵好晒畀你地喇，無藉口話無時間揾啦！
奴才們識 do 啦！又係時候貨金喇！
毛孩養生黃金糕 (DIY 版 HK$168；完整版 HK$188 ; 挑食毛孩)
好味、無添加、健康養生；布甸質地，無牙仔嘅寵物都食到。一盒有兩款口味，一款材料有紅棗、蟲草花、南瓜、雞肉同日本帶子，另一款材料就有杞子、桂圓、蛋黃、鴨肉同大蝦乾。食材咁上盛豐富，包保主子一定食到舔舔脷呀！
包羅萬有賀年小食禮盒 (HK$128 ; foodie_pet)
呢個咁精美嘅小食禮盒入面包羅萬有呀，有蘿蔔雞肉餅乾、雙色雞肉餅、黑芝麻沙琪瑪、四色雞肉脆條、北海道野生公魚仔及紐西蘭原隻青口。全部食物都係無防腐劑、無香料、無色素同無激素、100% 天然有機，仲要全部新鮮製造㗎，主子見到實流晒口水啦！
PAWFECT X 黑金同萌 過年好好餵禮盒 (HK$188 ; Pawfect)
台灣直送嘅呢個禮盒非常足料呀，裡面有迷你 pizza、香濃羊軋糖、雞肉蕃薯、雞肉南瓜餅、牛肉燕麥、蘋果乾、雞肉南瓜包、六味雞肉乾等，多料到不能盡錄呀，真係要乜有乜。禮盒上面嘅小卡仲可以畀你當揮春用添，所以話台灣人做野真係夠晒貼心㗎啫。
全港首創Freeze Dryer寵物賀年全盒 (HK$238 ; Pet Girl Bakery)
小店賀年全盒入面嘅食物全部經過冷凍真空乾燥處理，以保留食材嘅營養價值，只要加水還原就可以畀寵物食用㗎喇。全盒食物營養價值高，好睇又好食，一盒六款口味，當中仲包括唔少進補食材如准山、人蔘粉、紐西蘭綠唇邊青口、花膠、亞麻籽油、薑黃等。新年係時候幫主子進補一下喇！
招財貓貓禮盒 (HK$188 ; yum.yum.pet)
呢個禮盒入面嘅風乾小食件件都整得好精美，唔講以為係人食嘅曲奇餅嚟㗎！ 小食造型有牛牛、利是、元寶、燈籠、招財貓貓及平安御守共六款；成份包括雞肉、茅屋芝士、紅菜頭、南瓜、薑黃及燕麥等。小編溫馨提示：買咗千祈唔好放檯面，一陣有朋友嚟拜年見到咁得意拎咗塊食就尷尬喇！
2021牛年寵物年糕 (HK$88 – HK$268 ; Princess Paradise)
新春佳節，人有年糕食，狗狗點可以無㗎？Princess Paradise 嘅寵物年糕有鱷魚肉南瓜、三文魚紅菜頭、鴨肉蘿蔔同雞肉紫薯四款口味可供選擇。年糕賣相同包裝十足十酒樓賣嗰啲，放入雪櫃前記得貼大大張 memo 喺盒面寫住「寵物食用」呀，唔係阿媽好可能會趁你未起身煎咗嚟自己食㗎！
