近年除咗走文青風或者日系風嘅cafe 大行其道，一啲離市區嘅隱世cafe 都好受歡迎，大家都想趁住週未好好休息。 依間位於元朗嘅cafe就真係好啱唔想同人迫嘅人喇，cafe其實係村屋地下，木系裝修顯得特別醒神，餐廳分室內室外，室外仲可以比寵物坐添，可以好好感受一吓嚟自巷弄間嘅恬靜。 雖然餐廳細細但食物質素絕對唔馬虎，主打各式精品咖啡，食物方面都係以西式為主，不過餐廳着重健康，所以都會手工自家製薄餅餅底、麵包。
餐廳以木系裝修做主調，分室內室外，室外仲係寵物友善。
食物以西式為主，價錢走中價路線，質素唔錯，性價比頗高。
餐廳嘅薄餅餅底同麵包都係自家製，無防腐劑食得安心。 Bendito Cafe hk 幸福森林咖啡館 地址：元朗新田下新圍村福興里23號 相片來源: @標準貴婦-細佬 @ benditocafehk
