講起帶狗狗食泰菜,可能好多人會即時諗起元朗,但其實屯門都有一間穩世泰菜,而且仲有BBQ包廂,絕對適合人寵小朋友。
餐廳位於掃管笏村,附近有大型屋苑星堤,餐廳後面有停車場唔洗擔心泊車問題,無揸車嘅朋友可以選擇小巴喺餐廳附近落車。餐廳分室內同室外,狗狗會安排室外座位,室外有火爐,就算冬天都唔需要擔心會好凍。
食物方面除咗傳統泰式食物,冬蔭功湯夠地道,酸酸辣辣好開胃,另外必試嘅燒雞,外皮燒得又薄又脆雞肉非常嫩滑,豬手煲炆得夠腍,值得一試。
餐廳另一邊仲有BBQ包廂,燒烤位置唔會太密,空間十足,BBQ場旁邊有一個小型遊樂場,就算同埋小朋友嚟燒嘢食都無問題~
餐廳分室內室外,室外有火爐,冬天都唔怕會好凍
泰菜必食嘅冬蔭功湯夠地道,酸酸辣辣好開胃
燒雞外皮燒得又薄又脆,雞肉非常嫩滑
依家餐廳做緊優惠,消費滿指定金額可以用$8 加豬手煲或者炸豬手。 小編揀咗豬手煲,豬手炆得夠腍,入口即溶。
BBQ包廂私隱度高,BBQ場座位唔太密,唔洗擔心好大煙
BBQ場仲有小型遊樂場,小朋友唔驚無嘢玩~
餐廳資料: So Good & B-Point 地址: 掃管笏村249號 相片來源:@So Good & B-Point