【人寵 café 2021】歎咖啡 仲有占卜及插畫師駐場

人寵 café 除咗有打卡位,仲可以有啲咩?近日,小編就喺油麻地發現咗一間唔單止可以歎咖啡,仲有占卜及插畫師駐場嘅人寵 café!位於油麻地碧街嘅 Yama Coffee,剛開業個半月左右,已經有唔少街坊客捧場。

Café 嘅設計走日系文青風格,共上下兩層,下層係咖啡外賣部,上層係堂座、占卜及畫畫區域,仲有陳列日式陶瓷杯碟嘅 corner,全部係店主喺日本搜羅嚟㗎,客人睇啱可以買走。雖然 café 地方的的骰骰,但係就完全 cater 到客人唔同嘅需要,歎咖啡嘅同時,又可以占卜、又可以買嘢,仲可以揾駐場插畫師 Tracy (@illus.tracy) 幫你同狗狗畫畫添,唔洗淨係打卡咁dull!

講到拉卡位,嚟到 Yama 就一定唔可以唔同狗狗喺門口張「長櫈」留影!點解?店主 Sum 講你知:「要數一件舖頭入面我最鍾意嘅嘢一定係依張長櫈,佢係由一塊我一見鍾情、印咗第一隻養嘅貓貓個樣、陪我去過澳洲同韓國做野,然後再退役嘅一塊滑雪板整成㗎!大家唔滑雪嘅都嚟坐下啦,唔坐都欣賞下,嚟打下卡啦!」

 

YAMA Coffee

地址:油麻地碧街 15 號

IG: @yama.hk

Share埋比朋友啦

你可能會喜歡

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!