上星期就教咗大家計狗狗嘅每日食量，反應相當熱烈！更收到唔少寵主「PM」我哋問貓貓係咪都係一樣㗎？？ 其實大致上都差唔多，都係可以用兩個步驟就計算出來，而且小編亦為大家整理好晒資料，今天就教大家簡單計算貓貓一日嘅食量啦！
Edit: Raysin
Step1：計算貓貓一日所需熱量
貓貓係易肥體質相信奴材們都知㗎啦～ 如果想幫貓貓減肥或想佢維持身型，咁你要先知道佢每日所需嘅卡路里，即係維持貓貓一日活動所需嘅熱量；一般稱之為「每日能量需求量」即係DER（Daily Energy Requirement）。
【貓貓DER( 每日能量需求量 ) ＝ RER（靜止能量需求量） x 需求因子係數】
RER（靜止能量需求量）
首先 我哋要計出寵物嘅RER (Resting Energy Requirement)； 即係寵動休息時,
身體基礎所需嘅能量。 RER = 70 x 體重(kg)的 0.75次方，小編都知 0.75次方好難計….所以幫大家都計好啦~
需求因子係數
然後再用得出嘅RER x 需求因子，就可以計出寵物每日能量需求DER㗎啦!
例子：如寵物嘅RER係118(2kg)，用公式「DER( 每日能量需求量 ) ＝ RER（靜止能量需求量） x 需求因子係數」，就會得出：
118（RER）x 1.2~1.4（已結紮貓貓的需求因子）＝141.6 ~ 165.2 kcal/日
Step2：計算每餐所需份量
而知道貓貓每日所需熱量之後，我哋就可以用貓糧/罐頭包裝上嘅熱量標籤（知道飼料熱量），再計算貓貓每餐嘅食量。不過喺計算之前，要視乎情況扣減零食嘅熱量再計算（如冇就唔洗理會）。
【每餐所需份量 = DER ÷ 每克主糧卡路里(kcal) 】
【每餐所需份量（已扣減零食） = DER×90% ÷ 每克主糧卡路里(kcal) 】
例子：如主糧熱量標籤為300kcal / 100g 、DER為141.6 ~ 165.2 kcal/日，用公式「每餐所需份量 = DER×90% ÷ 每克主糧卡路里(kcal) 」，就會得出：
141.6 ~ 165.2 (DER) ÷ (300/100) = 47.2 ~ 55.1 g/日
最後雖然計算過程係好麻煩，不過為咗毛孩健康著想，做好飲食管理係必需的。畢竟做人父母當然要盡量俾最好嘅生活佢，而飲食管理係毛爸媽最基本可以做到嘅事，希望各位寵主嘅毛孩都可以健康快樂、冇病冇痛!
資料來源：The Ohio State University Veterinary Medical Center
