每次有甜食🍰，貓狗就跟會前跟後？或者係對甜嘅食物特別好奇？唔通佢哋係螞蟻轉世😂，特別鍾意食「甜」嘢？你咁諗就錯啦❗️相信大家都知道貓狗有 #敏銳嗅覺，可以分辨多種氣味。但你知道貓貓狗狗可以品嚐到哪些味道嗎？
人｜貓｜狗味覺大PK
人類味覺最豐富，擁有9000 個味蕾，可以分別感受到各種食物嘅味道。
狗狗味覺一般，擁有1700個味蕾，味覺約只有人類嘅 5 分之 1。
貓貓味覺最遲鈍，只有470個味蕾，所以佢哋進食前多數嗅完先開餐。
貓狗可以分辨哪些味道？
狗狗
狗狗雖然可以分辨出「甜、苦、酸、鹹、鮮」五味，但比人類遲鈍，食物嘅美味度也隨之下降。但原來狗狗除咗對肉嘅鮮味特別敏感之外，佢哋嘅甜味味蕾亦特別發達！因此佢哋特別嗜甜，喜歡吃水果、南瓜、番薯等帶有甜味嘅食材。
貓貓
所有味道中，貓對酸味尤其敏感，但是幾乎食唔到甜味！雖然你家貓咪可能會偷吃一啲甜嘅東西，但只係因為甜食裡可能有較高嘅脂肪含量，所以吸引佢哋嘅並唔係甜味呀！而由於佢哋對酸味特別敏感，可能哩個就係貓咪咁挑食嘅原因啦～
最後，而因為貓狗味覺比較遲鈍，所以對食更不知節制。一唔小心可能就會進食咗大量糖分或鹽分；唔單止容易蛀牙、更容易提升罹患糖尿病或腎病嘅機率，寵主們請多多留意喔！
Edit：Raysin
