上次為大家搵嚟咗狗狗嘅『世一』，今次當然要講下貓咪啦! 直至2019年，國際貓協會（TICA）一共標識出71個標準化品種，有啲品種好貪食、有啲好溫柔、有啲好聰明，你又知唔知係咩品種呢? 放心! 小編已經為大家搜羅各式各樣嘅「第一名」貓咪，唔知你家主子有冇上榜呢? 即刻去睇下啦!
貓咪排行1. 最聰明的貓咪 – 斯芬克斯貓(加拿大無毛貓)
加拿大無毛貓性情溫順、獨立性強、無攻擊性、愛乾淨，能與其他貓狗相處。其實加拿大無毛貓在某些方面更像狗，佢哋懂得體諒主人，喜歡與人交流，而且特別喜歡被主人撫摸寵愛！
貓咪排行2. 最愛撒嬌的貓咪 – 暹羅貓
逞羅貓格活潑可愛，好奇心強，亦係貓咪中出名嘅「醋罈」。所以如果養暹羅，最好就唔好再養其他小動物啦。而且佢哋非常粘人，超愛向主人撒嬌賣萌，去廁所會跟著，煮飯會跟著，反正去邊都會跟著，跟主人分開一刻都唔得！
貓咪排行3. 體型最大的貓咪 – 緬因貓
目前世界上體型最大的貓咪係緬因貓，最大嘅一隻體長達到咗驚人嘅1.23米，成為吉尼斯記錄上最長嘅貓。可以話係一頭小獅子，與其巨大嘅體型相反，緬因貓性格十分溫柔，叫聲如小鳥一般，因此得名「溫柔的巨人」。
貓咪排行4. 最傲嬌的貓咪 – 三花貓(黑底)
雖然係三花貓，但三花都分成好多種㗎，而第一名指的是黑底三花。佢哋雖然情感豐富，但係唔會直接撒嬌，一定會先蹭一下你旁邊嘅嘢，再抬起頭用眼神話你聽。同三花相處嘅訣竅就係，喺佢主動過來之前絕對唔好出手！
你家貓咪有上榜嗎？你又知唔知最可愛貓咪係咩呢? 當然係自家嘅主子啦😍
Edit：Raysin
