養貓嘅人都知道,貓特別鍾意爬到高處,無論係櫥櫃、雪櫃、書櫃、門窗等⋯⋯都係貓貓攀爬嘅對象,而且佢哋仲會成日爬到高處瞓覺,或者居高臨下望住你。你有冇諗過點解佢哋會咁做呢?有研究指出貓貓咁做係有原因㗎!即刻去睇下啦! 💁♀️
狩獵及躲藏
通常喺高處會有比較好嘅視野,而喺野外生存經常會有哩種情況。因此貓咪可以喺高處觀察附近有冇敵人,亦可以令自己唔容易被發現。
遠離威脅
如果出現令貓貓害怕嘅事物,佢哋可能就會跑到高處遠離威脅。例如家中突然有陌生人,有條件的話貓貓都會跳到高處,遠離那個陌生可怕嘅事物。
地位象徵
貓覺得高度是地位的象徵,站的高,地位就越高。若果係多貓家庭,通常佔據最高點嘅,就係家中嘅貓老大。
而最後俗語有云:「好奇心會害死貓」,貓咪天生就喜歡到處探險,高高的地方本身就有強烈的吸引力!不過貓咪天生有生理機制協助,可以喺掉落時保護自己,所以亦係佢哋唔怕高嘅原因之一!
Edit: Raysin