你有冇發現當你收工返到屋企坐喺沙發時嗰陣，你嘅狗狗會依偎係你腳邊或者坐喺你身上呢? 相信哩個moment亦係每位寵主最幸福嘅時刻~ 係咪以為狗狗哩個動作，係想親近或表達愛你呢? 其實原來仲有其他原因㗎!快啲去睇下啦～
狗狗「黏人」原因1. 表達愛意
你可能已經知道當狗狗願意坐你腳上或身上，其實係想同你親近啲、表達對你嘅愛！但係其實原來更可能係因為主人少陪佢玩，所以當主人在家時就會跟實主人，只想珍惜陪喺主人身邊嘅時間。
狗狗「黏人」原因2. 取暖
哩個情況多數發生喺冬天~ 不竟坐喺你身上比較暖啊，唔通有暖暖嘅「人類暖包」唔用咩?! 不過佢取暖時你都覺得暖，所以話哩個方案真係一舉兩得啊！
狗狗「黏人」原因3. 宣示主權
因為狗狗們多數都用氣味來標記地盤，所以當狗狗嘅屁股坐到你腳上或身上時，亦代表成功將氣味蹭到你身上，藉此就可以向其他嘅狗狗宣佈「你係我嘅人」！
狗狗「黏人」原因4. 尋求庇護
當狗狗感到害怕焦慮時，第一時間會搵信任嘅人尋求庇護，所以有時狗狗依偎喺你腳上，可能意味住佢哋好驚；特別係當佢哋出現夾腿，顫抖，畏縮，嗚咽，甚至亂咬嘢嘅行爲，所以尋找你嚟保護佢喔！
其實狗狗坐喺你身上腳上嘅理由有好多，但背後嘅原因都係出自對你嘅「愛」，所以下次當狗狗坐喺你身上腳上時，最好唔好推走佢哋呀，用心感受佢對你嘅「愛」啦~
資料來源：the spruce Pets
Edit：Raysin
