「我到底應該餵幾多呢?」相信呢個煩惱好多毛爸媽都會有,餵太多又怕佢胖、餵太少又怕佢營養不良,其實呢個問題可以透過兩個步驟就可以解決㗎啦~ 怕太麻煩? 唔洗驚~ 小編已為大家整理好資料,今天就教大家簡單計算狗狗一日嘅食量啦!
Step1:計算狗狗一日所需熱量
想避免狗狗攝取過多熱量而變肥,咁你要先知道佢真正所需嘅卡路里係幾多,即係維持狗狗一日活動所需嘅標準熱量;我哋稱之為「每日能量需求量」即係DER(Daily Energy Requirement)。
【狗狗DER( 每日能量需求量 ) = RER(靜止能量需求量) x 需求因子係數】
RER(靜止能量需求量)
首先 我哋要計出寵物嘅RER (Resting Energy Requirement); 即係寵動休息時,
身體基礎所需嘅能量。 RER = 70 x 體重(kg)的 0.75次方,小編都知 0.75次方好難計….所以幫大家都計好啦~
需求因子係數
然後再用得出嘅RER x 需求因子,就可以計出寵物每日能量需求DER㗎啦!
例子:如寵物嘅RER係198(4kg),用公式「DER( 每日能量需求量 ) = RER(靜止能量需求量) x 需求因子係數」,就會得出:
198(RER)x 1.4~1.6(已結紮狗狗的需求因子)=277.2 ~ 316.8 kcal/日
Step2:計算每餐所需份量
最後知道狗狗每日所需熱量之後,我哋就可以用狗糧/罐頭包裝上嘅熱量標籤,知道飼料嘅熱量再計算狗狗每餐嘅食量。不過喺計算之前,要記得減咗零食嘅熱量再計算;避免攝取過多卡路里。
【每餐所需份量 = DER×90% ÷ 每克主糧卡路里(kcal) 】
例子:如主糧熱量標籤為300kcal / 100g 、DER為277.2 ~ 316.8 kcal/日,用公式「每餐所需份量 = DER×90% ÷ 每克主糧卡路里(kcal) 」,就會得出:
277.2 ~ 316.8 (DER) ×90% ÷ (300/100) = 83.16 ~ 95.04 g/日
最後雖然計算過程係好麻煩,不過為咗毛孩健康著想,做好飲食管理係必需的。畢竟做人父母當然要盡量俾最好嘅生活佢,而飲食管理係毛爸媽最基本可以做到嘅事,希望各位寵主嘅毛孩都可以健康快樂、冇病冇痛!
資料來源:The Ohio State University Veterinary Medical Center
原來狗狗都有易肥體質 👉👉👉 即睇【易肥狗狗排行榜】
原來貓狗1歲=人7歲 已是過去式 👉👉👉 即睇【最新犬貓年齡計算表📈】
Edit: Raysin