【樹懶看似又懶又慢? 其實牠們才是把能量利用到極致的專家】

🤔唔知大家仲記唔記得《優獸大都會》中,令人邊睇邊笑嘅「樹懶阿閃🦥」呢? 其實「樹懶阿閃」嘅慢動作都係源自樹懶嘅行為模式,而樹懶作為全球10大行動最慢的動物之一,一直以來都是以緩慢行動而聞名的😂。咁究竟點解樹懶嘅動作會慢呢,天生就懶?NO NO NO👋~ 其實係有原因㗎!

 

獨特進化方向

從上一個冰河時代直到大約11,000年前,樹懶其實一直喺地面上行走。而為咗生存,樹懶逐漸改變行為模式,第一係爬到樹上生活;第二係飲食完全以樹葉為主。而由於樹葉類食物營養貧乏,卡路里亦好低。因此,樹懶必須進化到用非常慢嘅新陳代謝速度嚟應付低熱量嘅攝入。而由於樹懶嘅消化系統異常緩慢,所以佢哋大部分時間都會喺樹上消化食物,亦冇多餘嘅體力可以做其他事。因此,喺哩個奇特嘅進化方向下,樹懶就成為全世界最慢嘅哺乳類動物啦!

懶是一種節能方式

實際上,慢、懶、食得少都係樹懶節能嘅方法,可以話樹懶係一個將節能發揮到極致嘅生物。由於樹懶是一種食草動物,缺少充足嘅能量,所以樹懶只可以通過好慢~好慢嘅速度令自己保留更多能量。

另外,樹懶亦為咗節能而放棄哺乳類獨有嘅調溫體溫功能。一般哺乳類會通過自行調節體溫,但恆溫嘅弊端就係耗能啦,因此哺乳類動物日常需要大量進食。但係由於樹懶只會生活喺雨林等潮濕溫暖嘅地方,於是樹懶就直接放棄恆溫,令身體適應環境溫度,從而節約原本需要保持肌肉和心血管系統的能量,可以話樹懶為咗節能無所不用其極。

樹懶冷知識

唔講你唔知原來樹懶唔係最「懶」!!! 據哥斯達黎加樹懶保護基金會(Sloth Conservation Foundation)動物學家Becky Cliffe講:樹懶哩種「按兵不動」嘅生活態度唔應該被誤認為係懶惰。「其實樹懶並唔懶惰。對比生活喺森林什入面嘅「吼猴」每日要瞓18小時,而樹懶只需要瞓10小時左右。」

資料來源:BBC
 Edit:Raysin

Share埋比朋友啦

你可能會喜歡

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!