幼犬Q萌嘅模樣非常可愛，因此有唔少人都想從幼犬階段開始飼養。但幼犬就像BB一樣，柔弱可愛卻非常脆弱，需要主人細心照顧，因此飼養嘅難度都比較高。當中「日常飲食」 更係重中之重，所以為幼犬建立良好嘅飲食習慣非常重要。小編已經為大家整理出了幼犬嘅飲食重點攻略，讓毛爸媽們更輕鬆上手照顧幼犬！
Edit: Raysin
｜幼犬成長階段照顧重點
幼犬進入成年前主要分為四個階段：哺乳期、離乳期、成長期、塑型期，而一般家長購買或領養嘅狗狗，多為塑型階段，即係6-7個月以上嘅幼犬！
哺乳期飲食重點｜出生 ～ 1個月
幼犬剛出生嘅30~50日內，飲食主要都係以喝母乳為主；母乳含有豐富優質蛋白質與脂肪，還有來自母體的抗體，是最合適幼犬當時期所需要嘅營養，有助幼犬健康成長。而如果沒有狗媽媽照顧的話，毛爸媽可以購買「幼犬專用配方奶粉」代替。由於專用配方奶嘅營養係針對幼犬設計，含豐富蛋白質、脂肪；而乳糖含量亦比一般牛奶低，好消化吸收，是除了母乳以外最保險嘅主食！
離乳期飲食重點｜1 ～ 3 個月
幼犬約出生1個月大後開始長牙，該時期除咗餵母乳外，亦開始要轉變斷奶食品輔助戒奶。而戒奶時期嘅幼犬容易營養攝取不足，亦可能會有腸胃問題，因此可食用幼犬離乳飼料或慕斯質地嘅罐頭，保護牠們尚未成熟嘅消化系統、亦含幼犬每日所需營養。
成長期飲食重點｜3 ～ 6個月
呢個時期嘅幼犬係快速成長嘅階段，依據體型不同，幼犬長到成犬體型所需的時間也不一樣。喺呢個階段，狗狗需要大量營養（蛋白質、脂肪及鈣磷等），以促進骨骼發育及支持狗狗換牙。並且狗狗離乳後亦開始具備消化澱粉嘅能力，因此主人可以挑選一啲含葡萄糖胺及軟骨素嘅幼犬糧，以幫助滋養幼犬關節，避免日後出現關節不適嘅情況。
塑型期飲食重點｜6 ～ 12個月
該時期是行為及飲食塑型嘅最佳時期，主人可以餵食不同口味及類型嘅主食（乾糧、濕糧、鮮食），塑造良好嘅飲食習慣，避免狗狗長大後會有挑食情況。而且呢個時期亦係幼犬體重增加期，主人應提供優質易消化嘅主糧（高蛋白低碳水主糧罐頭），以促進狗狗增長肌肉及生成抗體。
迷思：幼犬需要額外補充鈣粉？
由於幼犬成長速度快，好多毛爸媽都會擔心幼犬鈣攝取量不足，但實際上骨骼嘅發育，只需要適當嘅鈣磷比例食物就可以；幼犬專用飼料所含嘅鈣磷，是經過寵物營養學家精準計算及調配，便可完整滿足幼犬生長發育的需求。而補充過多嘅鈣反而會造成負擔，導致髖關節結構不良、腎結石等疾病，所以唔好胡亂補鈣呀！
睇完上述介紹，你你咪對幼犬嘅飲食有深入嘅認識呢？！只要從小為幼犬打理好健康體質，長大後狗狗自然身體壯健陪伴我哋到老啦~
