【防疫大作戰!】寵物美容師教你在疫情下,在家幫萌寵美容

新冠肺炎疫情持續,人心惶惶! 面對疫情,現今家家戶戶嘅居家清潔跟著升級,但家中有毛孩嘅話不免擔心:「消毒用品會唔會對貓狗造成影響?」「該如何選擇清潔用品才能安心?」今次我哋就請嚟寵物美容師教你喺疫情下,點樣挑選清潔用品及如何在家中為毛孩清潔同美容啦~

 

 

日常防疫4大錦囊

  • 在回家觸摸寵物前,主人應徹底清潔雙手,減少感染機會。
  • 多清潔寵物的玩具,減少病菌滋生嘅機會。
  • 狗狗外出散步後,主人可以使用寵物專用的消毒濕紙巾或清潔劑,輕輕為狗狗的爪子和身體進行清潔。
  • 抱持理性分析,聽從來自可靠消息來源的資訊,切勿誤信坊間傳言。如對寵物的情況有任何疑問,請向獸醫尋求專業意見。

 

寵物美容師Q & A

 

普遍人所使用的清潔用品適合寵物用嗎?

市面上,一般人類嘅洗髮液會為咗刺激消費者嘅購買慾而加入不同嘅芳香劑及人造色素。而哩啲「化學合成物」係唔會對人體有害,但係可能會對於寵物薄薄嘅皮膚及靈敏嘅嗅覺而言造成極大影響。而現時大多數主人帶狗狗散步後都會幫清潔狗狗腳掌,但係一般人用嘅消毒紙巾都含有「乙醇」等成分,一但寵物通過舔毛等行為誤食,可能會導致急性代謝酸中毒。

 

因此市面上出現咗「寵物用乾洗泡沫」,而使用方法好簡單,只要將適量泡沫擠喺腳掌或局部需要清潔嘅毛髮,用手輕輕按摩10秒,之後用乾布/紙巾抹乾淨就可以㗎啦! 無需用水,仲減低咗因為潮濕引致患上趾間炎機會添!

HYPONIC 極致低敏 寵物乾洗泡沫

  • FID 認證 100% 完全公開一切內含成份
  • 德國皮膚科醫生協會 最高級認可產品
  • 美國 EGW Hazard 成份評分 (Score 1)
  • 泡沫濃厚幼滑
  • 無需過水,適合每天日常使用

 

 

在家幫貓貓狗狗洗澡注意事項或技巧?

選擇寵物潔毛液好重要㗎!!!由於寵物嘅皮膚厚度只有人類嘅1/5,佢哋幼嫩嘅皮膚好易會吸收外來物質,所以選擇潔毛液時最好就用寵物專用嘅「低致敏性」產品;事實上,寵物主人好難分辨出產品是否內含有害物質,因此建議購買潔毛液時先查看標籤上嘅產品成份表,若果冇詳細列明產品成份嘅就盡量唔好買啊!如果長期使用一些含有害物質嘅潔毛液,相對出現皮膚問題嘅風險會大大增加。購買寵物用潔毛液不建議過於草率,可以先了解寵物毛質,再選購合適的潔毛液啦!

 

而寵物怕水怕洗澡? 可能只係因為主人過於心急,令寵物未能適應突然其來嘅花灑聲、風筒聲,所以對待寵物要保持耐性,先慢慢減低佢哋對浴室環境、花灑聲等等嘅警戒心。一步一步由腳掌開始濕水,等佢哋完全習慣之後,就可以舒舒服服為寵物洗白白啦,不過記得要選擇「低致敏性」嘅潔毛液啊。

 

  • 最佳水溫為攝氏37-38度,可先用手臂內側量度水溫。
  • 濕水次序以四肢為先,之後伸延至身體和尾巴,最後先洗頭部
  • 記得唔好用花灑直射向毛孩鼻子呀。
  • 洗澡後先用毛巾抹身,再用風筒(溫度適中)徹底吹乾毛髮。

HYPONIC 極致低敏 寵物沖涼液

  • FID 認證 100% 完全公開一切內含成份
  • 德國皮膚科醫生協會 最高級認可產品
  • 美國 EGW Hazard 成份評分 (Score 1)
  • 泡沫濃厚幼滑
  • 根據寵物皮膚和毛髮的狀況,可選擇各種合適產品。

 

貓狗指甲怎麼剪?修剪要注意的事項!

想要為貓狗指甲? 就要平日養成摸佢哋手腳嘅習慣啦! 記住千祈唔好夾硬嚟啊,要循序漸進,如果唔係好易會令毛孩受驚。而修剪時要細心觀察血管位置,剪太入就有機會剪到血管而流血㗎!

當然意外嘅嘢係避免唔到,所以最好事前準備定止血粉啊!而萬一流血要冷靜,可搽上適量止血粉,再用化妝棉按壓流血位置就可以啦。不過如果流血不止,就要馬上到附近獸醫診所治療。

 

用棉花棒幫貓狗清潔耳朵對嗎?正確幫毛孩清耳朵的方式

使用棉花棒幫寵物清潔耳朵係錯㗎!!!因為人類用嘅棉花棒濕水後,棉花有機會掉進耳道內。而我哋寵物美容師經過專業訓練,一般會先清除耳毛,然後用止血鉗包住棉花,深入耳道內來替寵物清潔。一般主人可以參考一般獸醫嘅方法,用寵物洗耳水直接倒入耳道,然後慢慢按摩耳背耳骨位置,待耳垢溶解後,寵物會自行將水份連同耳垢一起「Fing」出來。

 

而優質嘅洗耳水不含油性、酒精及表面活性劑(Sodium Lauryl Sulfate 即清潔劑);由於清潔劑用後必須用大量嘅水先可以連同油份一齊沖走,而寵物嘅耳朵係唔適合直接用水沖嘅~ 而長期使用含有清潔劑嘅洗耳水,可能會令佢哋嘅耳內不斷積聚清潔劑同耳垢,增加耳朵發炎嘅風險,嚴重更有可能會有弱聽等問題,所以選擇低致敏性洗耳水,加上正確嘅清潔方法係好重要㗎!

HYPONIC 極致低敏 扁柏寵物洗耳水

  • 全球唯一不含表面活性劑
  • 絕不含有害化學物質
  • 內含 48% 扁柏精華(抗菌消炎)
  • 完成敏感度皮膚測試
  • 完成防黴、抗菌測試
  • 完成耳臭消除測試

最後,面對疫情,戴上口罩、加強家居及個人清潔係必要嘅防疫措施,但原來對寵物而言,部分化學物有機會造成傷害,甚至會致命;常見清潔產品含有漂白劑﹑氦﹑乙二醇等成分,會導致毛孩們間接中毒,尤其貓咪習慣舔拭身體,如果地板或家具上有殘留消毒用品,就會被毛孩吃進肚子裡,長期下去會危害佢哋健康㗎,毛爸媽記得挑選寵物專用嘅清潔劑啦!

 

 Edit:Raysin

Share埋比朋友啦

你可能會喜歡

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!