就嚟復活節啦~等小編帶大家了解一下兔兔嘅世界啦! 現代人在居住空間狹小嘅大環境下，可愛嘅兔仔係相當熱門嘅寵物之一，其擁有小巧嘅嘴巴、靈活嘅身體、短短嘅四肢，再加上平均智商為人類嘅3歲，可以話人見人愛。你又知唔知原來兔兔都有好多品種同特色㗎! 小編已經為大家搜羅各式各樣嘅「第一名」兔兔，即刻去睇下啦!💁♀️
最聰明的兔兔 – 垂耳兔
垂耳兔嘅智商比一般嘅兔子智商要高，是兔子入面最聰明嘅一個品類。據說垂耳兔可以聽懂主人嘅說話，亦會去觀察主人嘅行動來做出反應，不過垂耳兔嘅膽子亦特別細，容易受到驚嚇。
體型最小的兔兔 – 侏兔
「侏兔」係獨立物種，棲息地為美國西北部地區嘅疏林和灌叢草原上，特徵為特別小嘅體型。成年後體長約23~29.5cm，全身棕色或深灰色, 耳朵較短圓, 並有一圈白毛，而體重只有約375~500g。
體型最大的兔兔 – 佛萊明巨兔(花明兔)
佛萊明巨兔係一種大型兔品種，亦被認為係世界上最大嘅兔品種，起源於比利時，，佛萊明巨兔的平均體重可達14斤，耳最少有14.6cm，身長最少有50cm，，並創造了世界上最長兔子的記錄，他們全身長滿肌肉，而毛則十分濃密及有光澤。
腿最長的兔兔(按比例) – 北極兔
北極兔係適應極地同山地環境嘅兔品種，圓滾滾嘅身材加上較小嘅耳朵係牠們最大嘅特色之一，而牠們主要生活喺加拿大北部和格陵蘭嘅冰原上。不過喺牠們毛絨絨又圓滾滾嘅身軀之下，有一雙強而有力嘅大長腿，最快可以每小時60公里嘅速度在雪地中拔腿狂奔。
毛最長的兔兔 – 安哥拉兔
安哥拉兔係長毛兔嘅一種，體型較大，體重通常由2至6公斤不等。牠們個性溫馴，標誌性的耳朵形狀就像是一雙翅膀般。美國有一安哥拉兔曾被健力士世界紀錄認定為世界上毛最長嘅兔子，毛長達約38cm。
你家兔兔有上榜嗎？你又知唔知最可愛兔兔係咩呢? 當然係屋企嗰隻啦😍
Edit：Raysin
