🐱貓咪畀人嘅感覺，一向不如狗狗來得友善，甚至畀人有「冷漠高傲😎」等嘅形象。然而，事實真係咁嗎❓貓貓真係愛自己多過任何人❓ 根據研究，原來狗狗被馴養已有30000年，而貓咪被馴養則有10000年。唔通係馴養時間唔夠? 等小編為你哋一一拆解啦!💁♀️
🙆♀️馴化過程差異
最早受馴養嘅貓大約係一萬年前新石器時代嘅村落，嗰時候嘅貓貓多數自給自足，不過會幫人類解決害蟲鼠患問題，就好似主僱關係一樣。所以人類同貓貓嘅關係從一開始就唔親近；而狗狗最初係協助人類打獵，然後同人類一起分享獵物，就好似朋友親人一樣。
而且根據國際貓護理（International Cat Care）嘅獸醫Karen Hiestand說：「狗同人類生活模式非常相似，而且共同生活得好耐，幾乎可以話兩者係共同演化，但貓馴養時間相對短，而且其祖先係獨居而非群居嘅社交動物。」，所以其實只係人類誤解咗貓。
🙆♀️貓咪的情緒表達比較含蓄
狗狗好像與生俱來就無法掩飾內心嘅感受，無論係開心到跳下跳下、搖尾巴或緊張到縮埋，都會輕易表現喺行為上。原來早前，英國朴茨茅斯大學（Portsmouth University）研究發現，狗狗贏得人類歡心嘅原因，可能係重點在於狗狗學識模仿嬰兒嘅眼部表情(表情眉)，而狗嘅祖先狼並冇哩組肌肉，可見喺演化過程中，哩個優勢加強咗狗同人嘅感情聯繫。
而貓咪嘅內心就比較難估，必須仔細觀察細微嘅事，例如尾巴嘅擺動方向，貓毛平順或炸毛，仲有耳朵同鬍鬚嘅方向……貓咪發出呼嚕聲大多數代表友善或滿足（但唔一定），所以有時都好難從貓嘅肢體動作嚟判斷佢開心定發緊嬲。
😽貓貓偷偷關心你(行為)
喺你面前走來走去、不斷對你發出「喵喵」叫聲、不斷蹭你腳邊、視線離不開一直望住你
最後，若果想貓貓親人啲最好嘅方法只有：喺6-8個周大時，同貓咪有正面而快樂嘅相處經驗，咁日後貓貓就會比較親近人類。指望貓同狗一樣咁熱情，其實係強迫貓改變天性。而根據Karen Hiestand所講，想貓貓熱情啲最簡單嘅方法係：「滿足貓嘅基本需求，食物、水、舒適嘅睡覺地方、大小便嘅地方都搞定後，貓貓就會開始探索同社交。所以，下次當你返到屋企，見到貓貓無動於衷望住你，或者躺喺地上伸懶腰。請唔好失望，其實可能貓貓只係用自己嘅方式歡迎你回家啫。
資料來源：BBC
Edit：Raysin
