現時好多人都喜歡養狗,甚至將狗狗當作自己嘅小朋友嚟養。但世界上犬種嘅數量有好多,有啲品種性格活潑、有啲善解人意、有啲跑得好快、有啲好聰明嘅,你又知唔知呢? 小編已經為大家搜羅各式各樣嘅「第一名」狗狗,唔知你家狗狗有冇上榜呢? 即刻去睇下啦!
最聰明的狗狗 – 邊境牧羊犬
據研究顯示,邊境牧羊犬智商大約等同於六、七歲孩童,能意會人類嘅語言、動作、表情等等。而「邊牧」除咗聰明之外,佢哋亦而精力旺盛出名,且體格精實、喜愛奔跑,擅長多種雜技運動。
最兇猛的狗狗 – 比特犬
比特犬起源於19世紀,主要由美系斯塔福犬和美國鬥牛犬培育出來。比特犬原文名字嘅意思係「美國鬥獸場牛頭梗」,係一種作為鬥犬嘅目的而繁殖培育出來嘅一種具有強大殺傷力嘅兇猛犬種。而且比特犬發起瘋來會連主人都咬,新聞中曾報導過比特犬當街咬死主人嘅新聞…
跑最快的狗狗 – 格雷伊獵犬(格力)
格力產於中東地區,係一種古老嘅犬種,亦係極難得嘅純種犬,係近代世界公認最為優秀的賽狗。格力嘅時速可以達到69km,短跑超群但耐力一般,雖然速度好難同獵豹相比,但係同獅子,老虎比就相差好少。
聽力最強的狗狗 – 吉娃娃
狗狗嘅耳朵有18塊不同嘅肌肉,聽力是人類的四倍。而吉娃娃有錐形嘅耳朵更能集中聲音,所以只要聽到一點風吹草動就會奮力汪汪叫!
最友善的狗狗 – 拉布拉多
拉布拉多係一種中大型犬,天生溫和、活潑、冇攻擊性、智能高,係適合做導盲犬或者其他工作犬嘅狗品種,佢同金毛尋回犬、哈士奇一齊,並列做三大無攻擊性狗狗。
你家狗狗有上榜嗎?你又知唔知最可愛狗狗係咩呢? 當然係自己狗狗啦😍
Edit:Raysin