毛絲鼠又稱「龍貓」,係外型治癒又可愛嘅寵物。因為佢哋性格溫順活潑、身形細小,因此備受一眾小型動物愛好者歡迎。而且 宮崎駿 嘅「龍貓」亦係好多人嘅童年回憶,其中經典角色Totoro因為圓轆轆嘅身型、呆萌嘅表情更大受歡迎。今次小編將會同大家分享介紹一下,毛絲鼠嘅特徵、種類、飼養環境等,希望呢啲知識可以幫到新手或愛好者對「龍貓」嘅認知同理解啦
編輯:雷辛
毛絲鼠(龍貓)Chinchilla
基本資訊
分 類:栗鼠屬
標準體重(成年):400~600g
標準長度(成年):24~32cm
壽命:10~20年
特徵:大耳朵、蓬鬆尾巴、體型小且肥胖
聰明指數★★★☆☆
可愛程度★★★★★
親人指數★★☆☆☆
飼養難度★★★☆☆
龍貓個性:膽小溫順
龍貓係相當敏感且膽小,性格有點像貓咪,熟悉後會認主人也願意親人,不過就需要較長時間建立信任感。而受驚嚇嘅龍貓可能會本能反射地「噴尿」,或發出叫聲警告。而對於已經信任嘅飼主,牠們會主動靠近你並索求撫摸,有時候亦會發出「咕咕」聲呼喚你。
龍貓喜歡的生活環境?!
毛絲鼠原生於秘魯、玻利維亞、智利和阿根廷等乾冷氣候地區,因此毛絲鼠最適合嘅環境溫度係約20~25度(太高會引致中暑),同時也要注意除濕保持環境乾燥約50% 以下(太濕會引致皮膚病)。而毛絲鼠係屬於夜行性動物,尤其係夜晚充滿活力,而且佢哋係跳高能手,可以跳出自己身高嘅7倍左右,飼養嘅籠子需設有跳台和高度嘅活動空間。
龍貓的飲食小秘密?!
毛絲鼠係草食性動物,主食係天然乾草與其他草製成嘅專用飼料;乾草方面可選擇苜蓿草混加提摩西幫助佢哋磨牙,因為龍貓係齧齒類動物,牙齒好發達會不停的生長,所以準備磨牙食物係必備的!另外,龍貓天生有「糖尿病」,要盡量避免:水果、蔬菜、種子、堅果等食物啊!
原來龍貓是不用洗澡?!
毛絲鼠係非常矛盾嘅生物,因為佢哋好愛乾淨,但又怕水。所以佢哋清潔方式係通過沙浴來清潔,一週約清潔1~2次就可以啦!方法都好簡單,只要將砂盆放到籠子裡,佢哋就會自動跑去打滾(清潔)㗎啦~
原來龍貓是瀕臨滅絕動物?!
毛絲鼠以毛皮柔軟漂亮而聞名,因而被人類大量捕殺,以至瀕臨滅絕。毛絲鼠現存只有兩個品種:短尾毛絲鼠和長尾毛絲鼠。兩者僅有嘅區別係短尾毛絲鼠尾巴較短,頸和肩膀較厚,耳較小。短尾毛絲鼠可能經已瀕臨滅絕。而長尾毛絲鼠則幸存約5350隻。
以上關於龍貓嘅嘅飼養教學,有冇為大家長知識呢~如果仲想知道更多關於其他動物嘅秘密,歡迎留言話俾我哋聽啦!