好多人都知人類食物唔係樣樣都可以比狗狗食，誤食嘅話後果可以好嚴重，不過有啲食物唔單止啱狗狗食， 仲可以愈食愈健康添~
1️⃣蕃薯
含維他命A,B,C,E，豐富嘅胡蘿蔔素同多種抗氧化劑，有助維持心臟健康。主人可以蒸熟或者風乾，平時加喺主糧或者當零食比狗狗，不過要注意蕃薯嘅碳水化合物含量比較高，唔好一次過比狗狗太多啦!
2️⃣南瓜
含豐富可溶性纖維，而且熱量好低，刺激腸道蠕動，保持腸道健康，好啱腸胃敏感嘅狗狗。
3️⃣紅蘿蔔
含有大量胡蘿蔔素，纖維，維生素A,C,K 同鉀，對狗狗皮膚，視力、牙齒同埋牙齦潔淨都好有幫助㗎
4️⃣西蘭花
屬於十字花科，含有葉黃素，鉀，纖維，鈣，蛋白質等，能抵抗炎症、改善皮膚問題、對眼睛和心臟都好有益
5️⃣羽衣甘藍
同西蘭花同屬十字花科嘅羽衣甘藍含有飽和脂肪酸，抗氧化劑，維他命A,C 鈣質等， 有抗氧化，消炎作用，同時可以減輕慢性關節炎同埋日常關節磨損嘅痛楚。
雖然依啲都係健康食物，不過主人都唔好餵太多比狗狗，要適可而止呀!
