養過貓貓嘅人都知，貓貓係唔太鐘意飲水，不過最近網上有好多奴才話只要換一個黑色嘅碗，貓貓就會自動飲水，而且仲係見碗底添。究竟黑碗理論係咪真嘅呢?
其實貓貓對顏色識別有限，基本上只能分辨到黄色同藍色，換句話講貓貓其實分唔到黑色。貓貓係用嗅覺或者聽覺去搵出水源，所以點解貓貓總係對流動嘅水例如水喉、浴缸嘅水充滿好奇心。
雖然係貓貓世界分唔出黑色，不過黑碗的確會令水嘅透光率變低，水平面反光令貓貓容易察覺到水嘅存在，所以飲水量自然多咗。
另一個可能性就係，貓貓都係好奇寶寶，新換嘅碗令貓貓有尋找新水源嘅樂趣，都間接令佢哋飲多咗水。
黑碗理論雖然暫時未有得到證實，不過如果想令貓貓飲多啲水，奴才都不妨一試，或者會有意想不到嘅效果。
相片來源: 網絡圖片
