相信好多人都聽過,走失咗嘅狗狗居然走幾百公里路自己返屋企,狗狗又唔識字又無地圖,點解佢哋可以搵到返屋企嘅路呢?
1️⃣嗅覺
狗狗嗅覺敏銳,單喺狗鼻上就有2億個細胞,除咗可以分辨出唔同氣味、天氣變化、主人嘅情緒,甚至地下十米嘅嘢都聞到。而且狗狗外出散步時會一邊周圍聞收集信息,一邊尿尿留有自己味道,通過依啲方法狗狗會幫自己定位,令狗狗大概知道自己身處乜嘢位置。所以一旦走失,狗狗可以憑住氣味搵返自己曾經去過嘅地方。
2️⃣視覺
雖然狗狗視力無嗅覺咁靈敏,不過狗狗外出散步個陣仍然會認住路,留意周圍環境,狗狗一旦走失可以利用嗅覺同視覺搵到返屋企嘅路。
3️⃣內置磁場感應
除咗靠嗅覺同視覺,狗狗仲可以靠內置嘅磁場感應搵返回家之路。 有外國研究人員曾經將狗狗帶到從未去過嘅森林,發現狗狗會先沿住南、北軸小跑,然後再折返,用全新路線搵返主人。依個研究顯示狗狗利用內置嘅磁場感應 ,幫自己定位導航,即使係陌生環境下都可以搵到出路,而且依個功能係唔受嗅覺或者視覺影響。
雖然狗狗有先天優勢,不過都受到唔同嘅外在因素影響,主人外出時都要小心睇實狗狗唔好比佢走失呀!
相片來源: 網絡圖片