近年好多主人興起純素飲食，連帶自家毛孩都跟住食素，不過好多人就認為全素對毛孩唔單止無益，分分鐘仲會對佢哋造成傷害，究竟毛孩可唔可以完全唔食肉呢?
從生理構造嚟講，狗狗牙齒同較短嘅腸道，都係肉食動物嘅生理特徵，不過因為狗狗早係1.6萬年前就開始被人類馴化，所以狗狗腸胃已經慢慢適應，今日嘅狗狗已經可以消化蔬菜同穀物類。
雖然狗狗已經進化成雜食性動物，但都要注意狗狗本身攝取食物嘅代謝率同埋吸收率，狗狗對植物性蛋白吸收率比較，而且有啲營養素牛磺酸、左旋肉鹼等亦無法由植物中攝取，如果主人決定幫狗狗轉純素飲食前，最好都係諮詢獸醫意見!
相片來源:網絡圖片
