乳糖不耐症相信好多人都唔會覺得陌生，其實唔單止人，貓狗都一樣有乳糖不耐症。簡單嚟講就係幼貓幼犬斷奶後，消化道中消化乳糖嘅酵素減少，當攝取乳糖含量高嘅食物，無被消化囓乳糖就會進入大腸，被腸道細利用、發酵，引起脹氣、肚屙等。如果主人想為毛孩揀選乳製品又可以點做呢?
其實母貓或母狗嘅奶都有乳糖，只係乳糖含量比較低，換句話講，即使成貓成犬都可以食用乳製品補充營養㗎~
1️⃣寵物飲用牛奶
坊間有好多專為寵物而設嘅牛奶，經過處理後乳糖含量減低，建議主人可以選擇寵物用牛奶。
2️⃣乳酪
乳酪含有活性乳酸菌同鈣質，而且乳糖含量比牛奶低，主人可以選擇無調味、低脂嘅原味乳酪比毛孩。 不過主人係揀選乳酪時要睇清楚成份，千萬唔可以有人工調味劑木糖醇(Xylitol)。木糖醇會令貓狗分泌過高嘅胰島素，造成低血糖，嚴重會造成四肢無力、癱軟、抽蓄或死亡。
3️⃣芝士
另一個好受毛孩歡迎嘅芝士都係唔錯選擇，芝士乳糖含量低，而且有豐富蛋白質、脂肪同維生素，有好高嘅營養價值。不過芝士要揀含鹽分較低嘅種類，盡量低脂低鈉、不含其他添加物。不過藍芝士因為含有比較多嘅真菌孢子同毒素，不建議俾毛孩食用。
相片來源: 網絡圖片
