狗狗鼻子對狗狗非常重要,除咗用嚟分辨氣味而且仲佈滿神經,其實狗狗鼻子有好多種顏色,最常見嘅有黑色、粉紅色或者豬肝色,但如果主人發現狗狗鼻子唔似以前咁烏黑就要留意喇,到底乜嘢原因會令到狗狗鼻子甩色?
1️⃣ 受傷
狗狗鼻子同普通皮膚一樣,如果受傷例如損咗、抓傷,狗狗鼻子就會變成粉紅色,不過一般康復之後就會變返黑色。
2️⃣皮膚炎
有啲狗狗由於對塑膠材料敏感而引起皮膚炎,都會令狗狗鼻子甩色,如果狗狗對塑膠敏感,通常咀巴都會發腫,建議主人換玻璃其他材質嘅狗碗比狗狗。
3️⃣黑色素沉積
酥氨基酸氧化酵素會影響黑色素沉積,而且對溫度好敏感,天氣溫暖時會較為活躍,所以冬天狗狗鼻子會出現甩色,不過到夏天又變返黑色。
4️⃣衰老
狗狗衰老過程中酥氨基酸氧化酵素會愈嚟愈少,直接影響黑色素沉積,狗狗鼻子睇落無以前咁黑
5️⃣白斑病
白斑病係狗狗一種免疫系統疾病,患上白斑病嘅狗狗身上毛髮會出現一塊塊嘅白斑,不過主人可以由飲食方面着手,幫助緩解病情。