好多人都知貓咪同狗狗個性截然不同,狗狗總係熱情無比,無論主人去邊都會跟住,相反貓咪高傲冷漠,完全無視主人存在。其實係咩原因令到汪喵星人個性相差咁大呢?
1️⃣狗狗睇得明人類心情
有研究顯示狗狗係世界上唯一睇得明人類表情嘅動物,可能因為狗狗長期俾人類飼養,所以能夠透過觀察人類臉部表情變化、說話嘅語氣、動作嚟判斷主人情緒。繼而對主人作出相關回應,所以當見到主人時會作出熱烈歡迎嚟討主人歡心。
2️⃣狗狗對人類依賴強
曾經有實驗証明,狗狗離開主人之後會產生焦慮,當主人返嚟會立即擺尾希望得到主人安撫,但貓咪就唔會因為主人離開而不安,由此推斷狗狗對於主人依賴比貓咪強,所以狗狗每次見到主人都表現得非常激動。
3️⃣狗狗的短期記憶比貓貓差?
貓貓天生係狩獵者,對周圍環境狀況、打獵路線都非常清楚,根據研究貓貓嘅短期記憶可以保留十幾個鐘,但狗狗就只有幾分鐘,所以狗狗每次見到主人都要撲上前熱烈。
相片來源:網絡圖片