所謂「病在你身,痛在我心」💔毛孩生病相信係令寵主最擔心嘅事,除咗睇醫生食藥外,仲有咩方法可以幫到手? 毛毛元氣館(MOMO doggie massage)嘅創辦人、註冊寵物按摩治療師 Ada Li,有逾 12 年寵物按摩嘅經驗,平日除咗幫兩隻愛犬按摩 🐕 亦會幫有需要毛孩診症檢查,醫治中風、濕疹、行動不良等問題。佢為咗推廣寵物按摩,甚至開班教學生,希望可以令穴位按摩變成每個寵物家庭中嘅日常。
Ada 老師表示,寵主與毛孩關係親近,比起外人毛孩較願意畀寵主掂自己,所以特別開設親子班,等寵主學識一啲基本技巧,透過撫摸同按摩能夠及早發現毛孩身體上嘅異常,提早預防,咁就可以減低發展成嚴重疾病嘅機會!每日恆常嘅按摩,可以幫毛孩保健之餘,仲可以作為定期檢查,同毛孩嘅關係又再緊密啲㖭❣️
今次 Ada 老師接受我哋訪問,仲即席示範咗初階寵物按摩手法,教各位寵主點樣喺屋企都可以幫毛孩放鬆肌肉、做保養,佢更指出原來毛孩成日抓耳朵、流眼水、舔腳等,唔好太輕視,立即睇下老師講解同示範啦!💆🏻
想學習更多寵物相關專業知識記得 like 同 follow 定我哋 Facebook 及 Instagram 留意住喇!