雖然過兩日就中秋,早晚天氣開始有少少秋意,但其實下午時段仍然好猛太陽,主人如果要同狗狗戶外活動就要小心喇,除咗要定時幫狗狗補充水份,為免曬傷出街前都要做充預防措施。
1️⃣避開正午時段
由於太陽喺中午12點到下午4點仍然好猛烈,氣溫有時都可以去到30度以上,為免中暑兼曬傷,最好揀清晨或者黃昏時段,減低曬傷機會。
2️⃣揀陰涼通風地方活動
除咗時間之外,主人可以揀一啲陰涼通風嘅地方同狗狗活動,避免直接曬到狗狗之餘,地面溫度都比較低,唔會燙傷手掌腳掌。
3️⃣保留狗狗毛髮
好多主人都會趁夏天幫狗狗剷短毛髮,但狗狗毛髮其實係天然屏障,除咗可以預防蚊蟲叮咬,仲可以避免紫外線直接照射皮膚,以免曬傷,所以主人盡量唔好剷光狗狗嘅毛毛喇~
4️⃣定時補充水份
秋天天氣乾燥加上戶外活動都會消耗水份,主人外出時記得帶備足夠水份,充足水份可以幫助狗狗緩解溫度過高引起嘅口乾問題,確保身體正常運作。
相片來源: 網絡圖片