對每位主人黎講,了解狗狗嘅生命指標 (TPR)係必須嘅。 TPR 係可以等主人平日簡單咁了解狗狗身體正常與否嘅一個指標,特別係有長期病患、心臟病及老年狗狗。
TPR 究竟係乜東東?
“T” 代表 “Temperature” (體溫)
“P” 代表 “Pulse” (心率)
“R” 代表 “Respiration” (呼吸)
平時我地喺屋企都可以定期收集狗狗呢 3️項數據嫁!最理想嘅收集時間係喺狗狗靜止休息或者瞓覺嘅時候。
溫度:正常狗狗嘅體温介乎 37.7 -39.2 度之間,低溫或高溫正代表狗狗處於帶病狀態、器官功能有問題或發炎等。最簡單獲得狗狗體溫就係用紅外線耳道式溫度計喇。
心跳率:一般小型犬正常心跳率為 90-120 bpm、中型犬為 70-110 bpm、大型犬為 60-90bpm。要量度狗狗心跳率,可以喺狗狗處於站立狀態時,將手放喺狗狗後腿內側,你應該可以感覺到狗狗股動脈附近有搏動。將你喺 15 秒鐘內感覺到嘅跳動次數乘以 4,就可以得出 1️分鐘嘅心跳頻率喇!
呼吸:狗狗正常嘅呼吸頻率每分鐘為10 – 35 次,小型犬一般比中型及大型犬嘅呼吸次數更多。呼吸嘅計算方法,你可以觀察狗狗 15 秒內嘅胸廓收縮及舒張次數,將數字乘以 4️就可以得出 1️分鐘嘅呼吸頻率喇!
資料來源:ASPCA pro