毛孩同我哋一樣都有眼淚，如果分泌過多，眼淚入面嘅鐵元素會同空氣接觸，變成啡色嘅淚痕，淚痕雖然對毛孩健康影響不大，但都唔可以忽視，要預防淚痕就要做好眼睛護理。
淚痕成因可以分為先天同後天，先天原因包括毛孩品種、淚管異常例如淚線堵塞或者閉合不足都會令淚液分泌過多，一般會做手術解決。後天就包括耳道感染、食物過敏、環境因素、受外物例如睫毛、毛髮刺激等都會令淚液過多，造成淚痕
了解淚痕嘅成因之後，主人可以幾方面改善淚痕問題
1️⃣定期修剪眼睛周圍毛髮
過長嘅毛髮會刺激眼晴分泌淚水，定期修剪眼睛周圍毛髮，保持眼部區域乾淨清爽可以減少刺激。
2️⃣保持眼周乾淨
對付淚痕最簡單嘅方法就係每日清潔狗眼睛周圍，主人可以用柔軟嘅濕布或者化妝棉，用乾淨暖水抹擦拭眼睛四周，防止眼淚積聚，仲可以去除已經形成嘅污漬。
3️⃣注意飲食
人工色素、防腐劑容易誘發過敏，都會令淚水分泌增加，建議主人避開含有依類成份嘅食物。
4️⃣保持環境衛生
空氣中嘅灰塵、煙霧、風或者其他刺激物都會導致淚水分泌增加，其實環境衛生對主人同毛孩都有好處，唔單止預防淚痕仲可以預防其他疾病添~
相片來源: 網絡圖片
