上篇就同大家分享咗點樣照顧幼貓，咁幼犬又有咩要注意呢? 其實幼犬同幼貓一樣，基本上都係由疫苗、絕育、杜蟲着手，狗仔幼嫩唔易照顧，尤其係1歲前，想狗仔健康成長，主人就要做好基本功喇！
大家都知道接種疫苗可以幫助狗仔做好準備，減低患有多種高傳染性甚或致命疾病，亦係減少疾病傳播嘅其中一個最佳方法。除咗常見五合一疫苗DHPPiL，如果主人想為狗狗提供更多保障，就要考慮幫狗狗接種其他疫苗。
城大動物醫療中心CityU VMC 幼犬健康計劃中，疫苗分為兩種不同的類別：核心(Core Vaccine)和非核心疫苗(Non-core Vaccine)， 除咗核心疫苗，所涵蓋嘅疫苗可以照顧到有有唔同生活方式或居住環境嘅狗仔嘅健康。例如狗狗會去戶外玩而有可能接觸到河水或溪水，又或者住喺村屋或郊外而狗狗會有機會接觸到老鼠，都較易感染鈎端螺旋體。而狗狗經常會接觸到其他狗仔，又或到狗酒店住嘅話，染到狗房咳亦是十分常見，其中博德氏菌是常見引致狗房咳的致病原。CityU VMC 幼犬健康計劃會為狗狗接種非核心疫苗包括四價鈎端螺旋體疫苗及博德氏菌疫苗，更能全面保障狗仔嘅健康。
幼犬好容易感染寄生蟲，輕微感染可以完全無病徵，但隨着寄生蟲數目不斷增加，就有機會誘發嚴重疾病，甚至可能會致命。例如好似心絲蟲，通常由蚊傳播心絲蟲幼蟲俾狗仔，幼蟲長大後會依附係狗狗在右心和肺動脈中。可能導致血流阻塞、心衰竭或者死亡。所以千祈唔好輕視，而絕大多數嘅狗狗寄生蟲疾病其實係可以預防，定期杜蟲除咗可以全面保護幼犬免受寄生蟲威脅之外，仲可以避免將寄生蟲傳染比主人，確保人寵健康。
隨住愈嚟愈多人明白到絕育嘅好處，好多主人可能會唔知幾時做手術，但每隻狗仔嘅情況唔同，到底幾時先係合適嘅絕育時機可以話因狗而異。 建議最好係狗囡囡大概5個月大，即首次月經仲未嚟之前接受絕育，可以大大減少狗囡囡日後患上乳腺腫瘤嘅機會，而狗仔就建議1歲前接受手術。如有任何疑問，記得問問獸醫呀！而為狗狗絕育對將來嘅健康十分重要，尤其對預防一啲同生殖器官相關嘅癌症或疾病大有幫助，例如可以減少狗囡囡患上子宮感染、乳腺腫瘤、卵巢和子宮腫瘤，以及狗仔患上前列腺增生、睪丸癌等風險。
雖然照顧幼犬唔算好複雜， 不過主人有時未必及時察覺到問題。所以為幼犬參加健康計劃，由專業獸醫同醫護組成團隊，除咗會包括為狗狗接種所需疫苗、杜蟲及預防心絲蟲，亦會喺狗狗出生首年一直跟進同評估狗狗嘅身體狀況，提供度身嘅健康諮詢， 提供360度全方位支援，建議適合絕育嘅時間，幫狗
狗從小規劃健康生活同未來，主人不妨認真考慮。
💡CityU VMC 幼犬健康計劃詳情
1️⃣ 4次健康諮詢及報告
2️⃣ 建議所需幼犬疫苗
3️⃣ 杜蟲
4️⃣ 絕育
5️⃣ 晶片
6️⃣ 預防心絲蟲
幼犬健康計劃詳情 👉https://bit.ly/3QNaiVd
資料及圖片來源: https://cityuvmc.com.hk
