一年容易又中秋，相信好多主人已經諗好帶家中毛孩去邊度玩喇，中秋節又點少得燒嘢食、月餅同燈籠呢？不過主人又知唔知有啲食物毛孩係唔可以食㗎， 輕則肚屙、腸胃炎，重則可以致命，所以各位主人真係小心， 以免樂極生悲呀~
1️⃣柚子
柚子可以話係中秋當造生果， 不過毛孩消化系統比較弱， 食咗可能會肚屙。好多主人都會應節整柚子帽放喺毛孩頭上，但其實柚子皮會刺激毛孩，長時間戴嘅話會產生皮膚過敏、發炎、紅腫…等皮膚問題。
2️⃣燒肉
中秋天氣清爽，最啱約埋一班朋友燒嘢食兼賞月，除咗調味料好似洋蔥、蒜等都會令毛孩敏感，燒烤嘅肉類都有好高脂肪，絕對唔啱毛孩食， 如果真係想餵嘅話， 主人應該選擇無調味嘅雞胸或者三文魚。
3️⃣月餅
中秋當然要食月餅， 不過人類食用嘅月餅好多都係高糖份、高油份， 絕對唔可以俾毛孩食， 其實近年有好多寵物食用嘅月餅， 材料都係以番薯、 南瓜、 雞肉、牛肉為主，主人可以買選擇依類型嘅月餅，食得安心又可以同毛孩一齊慶祝
相片來源:www.sohu.com
