呢幾年受到疫情影響，寵主們除左自己無得去美容院做facial，相信就連帶愛寵出去做美容都變得難上加難。其實香港地有唔少上門寵物美容服務，大家就算同毛孩主子足不出戶，都可以照樣做齊剪毛、洗牙、按摩！大家只需要預先提前同美容師預約好時間，就可以輕輕鬆鬆為愛貓愛犬扮靚靚～ 上門寵物美容服務更可以方便到行動不便，或者係身體有毛病嘅貓狗，想知有邊幾間信譽良好又受歡迎嘅上門寵物美容，而家即刻跟小編睇到最後啦！
圖片來源：IG@goodgrooming.mic、petbbhk、bforbillgrooming、kano.grooming.hk、heygroomerhere、i_am_bubblefatfat | 文章： candice
上門寵物美容推介1. goodgrooming.mic
上門寵物美容推介2. petbbhk
由2位90後男生Vincent同Roy創立嘅petbb，除左係網店之外，其實同時亦為寵物提供上門美容、免麻醉洗牙石以及寵物保姆等服務。在擔任寵物保姆前，Vincent同Roy都會先了解每隻毛孩的習性，比客人填寫詳細嘅寵物資料，例如毛孩嘅喜好同健康狀況等等，以便做到最貼心的服務。而佢地現時亦同8位美容師有固定合作，佢地全部都擁有至少五年經驗，能夠針對唔同毛孩嘅品種同毛髮特質，剪出最合適佢哋嘅造型！
唔少顧客試過都大讚佢地嘅美容師溫柔細心又耐性，另外petbb更有貓貓美容服務，而家首次試做上門寵物美容更有95折優惠。品牌係短短幾年間已經累積超過23k追蹤人數，相信大家都感受到佢地對寵物嘅愛！如想查詢詳情或報價，可以去佢地IG或Whatsapp 93338856了解更多～
上門寵物美容推介3. bforbillgrooming
bforbillgrooming亦有提供上門寵物美容服務，美容師持專業美容牌照C牌，同時亦有六年寵物美容工作經驗。
圖片來源： IG@i_am_bubblefatfat
無論係大型犬、小型犬嘅造型都處理到，見到狗狗們由凌亂嘅毛髮變到擁有一身可愛造型，大家有興趣的話都快D去whatsapp預約佢地啦！
上門寵物美容推介4. kano.grooming.hk
臭家姐上門寵物美容同樣用心細心幫每位小客人變身為小公主或小王子，具備寵物按摩治療證書同6年寵物美容經驗嘅美容師，服務除左包括基本沖涼、拉毛、剪甲、磨甲、洗耳、拔耳毛、剷腳底毛、patpat毛、肚仔毛同清肛門腺外，更會加送10分鐘穴位放鬆按摩💆🏻
美容師會因應狗仔接受程度同身體狀況考慮是否進行按摩，幫狗狗放鬆番四肢肌肉～想愛犬可以一次過享受曬做facial同massage嘅體驗，而家即刻whatsapp佢地就可以預約啦！
