遛狗係每個養狗主人必做嘅事，好多主人都喺屋企附近散步無特定時間，其實唔同體型嘅狗狗，每日散步嘅時間都唔同。 因為唔同體型同體重嘅狗狗嘅運動量都唔同，如果唔係就會出現累死狗嘅情況，咁點先算係最適當嘅散步時間呢?
1️⃣高運動量型
一般工作犬、狩獵犬、牧羊犬因為天生體力充沛，所以需要比較大嘅運動量消耗體力，金毛、拉布拉多、雪橇、西摩、秋田犬、牧羊犬等等都屬於高運動量型狗狗，唔想狗狗拆家，建議每日要有60至120分鐘散步時間。
2️⃣中等運動量型
中等運動型狗狗有史納莎、積羅素、白爹利、約瑟爹利等，雖然體型唔大，但需要嘅運動量都唔少，建議每日最少需要60至90分鐘嘅散步時間。
3️⃣低運動量型
芝娃娃、摩天使、八哥、臘腸狗、比熊、松鼠狗、玩具貴婦等都係屬於低運動型，唔想累死狗，建議每日30-60分鐘運動量就夠。
除咗散步時長之外，建議主人都要注意散步時間同路線，盡量避開正午時段同人多車多嘅路線。
相片來源:網絡圖片
