上次講過喵星人同汪星人跟主人入廁所🚽有唔同原因，貓貓多數因為好奇，而狗狗就有少少唔同，咁究竟狗狗係乜嘢原因要跟實主人呢?
1️⃣保護你
毛孩對主人嘅愛係最忠心最無保留，狗狗認為去廁所嘅時候係最危險，所以狗狗跟住主人目的就係擔心你，想保護你呀
2️⃣想時刻陪住你
狗狗心目中主人係全世界最重要，所以佢哋無時無刻都要跟住主人，希望陪住主人，所以無論主人要去廁所，狗狗都一定要跟住，實情就係想黏住主人
3️⃣缺乏安全感
有啲狗狗比較細膽同無安全感，只要見唔到主人就會好驚，甚至有分離焦慮症。主人無論食飯、瞓覺抑或去廁所，狗狗總要主人係身邊陪，建議主人可以透過日常訓練去改善情況。
4️⃣誤以為有食物
最後一個原因主人聽完可能好崩潰，狗狗係雜食動物，有啲狗狗會因為便便有未消化完嘅食物殘渣而以為係食物，所以狗狗跟住主人入廁所嘅其中一個原因，可能係誤會廁所入面有食物。要解決依個問題，建議主人為狗狗補充微量元素，消除狗狗異食嘅習慣。
相片來源: read01.com
