狗狗毛茸茸加上可愛嘅外貌，即使唔係養狗嘅人都會忍唔住想摸吓，不過原來狗狗唔係每個部位都可以摸，特別係陌生人，為免激嬲狗狗就要認清狗狗身上五大禁區喇~
1️⃣牙齒
好多人都鐘意摸狗狗咀巴，有時甚至會揭開咀唇睇吓狗狗牙齒，但其實狗狗牙齒屬於敏感部位，有時連主人想幫佢哋刷牙都唔得，作為陌生人嘅你絕對不建議去搞狗狗牙齒~
2️⃣尾巴
狗狗尾巴連接住脊椎，而且又會透過尾巴表達心情，對狗狗嚟講係非常重要，所以千萬唔好亂咁拉扯狗狗尾巴，因為疼痛會令狗狗失控咬人
3️⃣鼻子
狗狗係靠嗅覺生活嘅動物，狗狗鼻子上佈滿神經用嚟分辦唔同氣味，加上狗鼻非常脆弱，即使狗狗唔抗拒，但都唔建議觸碰以免將細菌帶去狗鼻。
4️⃣腳掌
狗狗腳掌主要用嚟排汗、捕捉物品，可以話充滿好多敏感嘅神經，有啲狗狗甚至連主人都唔俾摸，所以建議大家唔好亂咁觸碰狗掌。
5️⃣肚皮
肚皮係所有動物最柔軟同脆弱嘅地方，一般狗狗都唔會輕易露肚皮，除非係主人或者狗狗信任嘅人，建議陌生人如果要摸狗狗都係摸其他部位好了~
相片來源: 網路圖片
