毛孩唔識講嘢，不過我哋可以透過佢哋嘅叫聲或者身體語言去估計佢哋心情，特別係尾巴最能表達情緒，不過貓咪嘅尾巴除咗表達心情之外，其實仲有其他功能，作為奴才嘅你又知幾多呢?
1️⃣表達情感
大家都知道毛孩尾巴隱藏咗佢哋當下嘅心情，所以透過觀察尾巴大概可以估到主子此刻情緒，例如貓咪尾巴豎直向上時就表示好開心，同你表示友好呢~
2️⃣保持身體平衡
貓咪喺移動身體時尾巴嘅作用係平衡身體，如果貓咪失去平衡，會快速將尾巴往反方向揮動，令骨盤調整回原本的位置，所以貓咪尾巴係保持平衡嘅重要工具
3️⃣防寒工具
天氣凍嘅時候，動物都會將身體捲成一團保持體溫，貓咪都唔例外，而毛茸茸嘅尾巴仲可以好似人類嘅頸巾咁可以遮住貓咪嘅臉，絕對係最好最天然嘅防寒工具
5️⃣宣示地盤
熟悉貓咪嘅人都知，貓咪會用尾巴摩擦對象，目的係將自己氣味沾染到對方身上用嚟宣示主權同埋地盤。奴才可能偶爾會見到貓咪將尾巴纏繞喺物件上，目的就係企圖將氣味遺留物件上面喇。
所以貓咪嘅尾巴唔單止表達情緒，仲有其他咁重要嘅作用，作為奴才真係要小心保護主子依條毛茸茸嘅尾巴吖~
相片來源: 網絡圖片
