養過毛孩嘅人都知毛孩係黏人精，無論主人去到邊都會跟住，就連上個廁所都唔放過，點解毛孩會有咁嘅行為? 原來貓同狗嘅原因係唔一樣，今日我哋先講吓貓貓，下次再講解汪星人
1️⃣地盤意識
貓貓係用氣味去標記領地，所以當奴才將廁所門關上，貓貓就好想入去加強自己氣味去標示地盤
2️⃣好奇心
大家都知貓貓係好奇寶寶，而且奴才去廁所嘅時候一定會關門，咁樣會令貓貓覺得廁所充滿神秘感，於是會不停抓門甚至要跟實奴才入廁所
3️⃣貪玩
好多奴才都知貓貓對於水喉、廁紙特別喜愛，喺貓貓眼中簡直就係遊樂場，貪玩嘅貓貓又點會比奴才一個人獨霸廁所呢?
4️⃣擔心你
貓貓先祖喺野外生活，所以去廁所係最脆弱嘅時候，貓貓為咗要保護你所以要守係奴才附近。
相片來源: 網絡圖片
