日前，英國有 underground 乘客目擊有貓貓乘客喺 Victoria Line 嘅車廂出現。
起初，乘客們都以為貓貓係一隻流浪貓；只見佢乖乖咁跳咗上一個空座位度靜靜咁坐低。
唔少坐喺貓貓旁邊嘅乘客見貓貓咁乖都摸下佢。隔咗一陣，大家先發現原來貓貓係有主人㗎！一個著白色大褸嘅女人徐徐喺袋入面拎咗個寵物籠出嚟，到達 Vauxhall 站時，女人就抱起貓貓同拎住寵物籠走出車廂。
相片喺社交平台被瘋傳，網民大讚倫敦果然係一個 “pet friendly city”；亦有網民疑惑：「點解主人唔將貓貓放入寵物籠，而放佢出黎坐。」當值車長回應：「公平咁講，貓貓並無為其他乘客造成任何騷擾，所以我哋都唔需要叫主人解釋點解將貓貓放出黎坐。再者，似乎乘客們都非常歡迎呢位『另類乘客』，所以有時某啲特別狀況都可以有例外，可以酌情處理嘅。」
資料來源：Triangle news
