送「石」求愛，原來唔係人類獨有嘅浪漫行為， #阿德利企鵝 都會㗎？！每年7-8月係牠們嘅繁殖求季節，雄性企鵝會透過氣味、叫聲尋找「夢中情鵝」。當雄性企鵝找到心儀對象時，就會向對方送上一塊自認最靚嘅石頭畀雌性企鵝，如果雌性企鵝願意撿起石頭，就代表接受雄性企鵝嘅愛，願意一起共築愛巢，反之不理會石頭，就代表雄性企鵝求偶失敗。
而點解企鵝會送「石」求愛？原來 #石頭 喺企鵝嘅世界都可以話「有錢」嘅象徵，因為喺築巢時石頭係不可或缺嘅材料；因為石頭無比稀缺，愈多石頭築起嘅家對雌性企鵝可為有超高嘅吸引力，所以為咗得到石頭，阿德利企鵝咩事都做得出㗎，包括會偷竊、打架等等。另外，最特別嘅係雌性企鵝更會為咗石頭出賣身體勾引隔壁老王添⋯⋯真係世事無奇不有啊～
圖片來源：網上圖片
