【屯門貴婦狗走失一晚！寵物店店長好心收留兼幫沖涼扮靚】

最近又有好人好事！屯門一隻白色貴婦狗阿污因為家中閘門封網把關失守，乘機逃走了～幸好獲好心人暫時收留，亦都好快聯絡到狗主！🤍原來好心人林小姐係洪水橋一間寵物用品店嘅店長，見到阿污，人如狗名，職業病發作！忍唔住幫佢沖涼扮靚靚先歸還狗主～今次阿污真係非常幸運！冇走失之餘，仲獲得一次免費沖涼服務🤣希望佢下次唔好咁曳啦！雖然最後係虛驚一場但相信狗主都會把關更小心㗎啦！