由SENS Pet 主辦嘅第五屆全港寵物萌主選拔賽總決賽貓／狗萌主已經誕生咗喇!
今屆選拔賽反應非常好，面試招募已經有1,200 位汪/ 噹萌寵參加，最後由網上投票揀出40強，所以每位入到決賽嘅萌寵都真係好犀利㗎!
總決賽分貓貓同狗狗兩組，有20 位狗萌寵、13位貓萌寵，各萌寵使出絕技，即場同主人 Dog / Cat Walk 同埋才藝表演, 吸引唔少途人圍觀，迫爆現場。 最後由名人嘉賓陳庭欣小姐同埋其他評審選出冠軍萌主，贏取豐富禮品。
而今次主辦單位SENS Pet 於2019年成立，至今已經為過萬個主人同寵物提供攝影服務，希望為主人留下最珍貴嘅回憶。而 SENS Pet 所有員工都有飼養貓狗, 當中仲有領養嘅毛孩，用行動宣揚「愛和尊重」及「領養不棄養」嘅品牌宗旨。
名人嘉賓陳庭欣小姐仲攜寵出席，唔單止喺台上分享同鸚鵡嘅生活趣事，仲叫鸚鵡表現俾hand hand 添~
主持人兼香港創作歌手及模特兒鍾雨璇小姐現場獻唱《save a life》呼籲各界支持領養。
一眾貓/ 狗萌主上台大合照
其中7歲松鼠狗Kimba 分別奪得最萌才藝獎、最爆LIKE 狗狗大獎，狗仔細細連奪兩獎，認真犀利!
