想養寵物但仲諗緊要養貓定狗？其實無論係貓定狗都好治癒㗎，養咗隻毛孩，保證你嘅生活即刻變得更加繽紛！不過呢，貓貓同狗狗嘅性格同埋生活習慣其實有好大分別嘅。如果你仲未決定好，不如先嚟玩個簡單嘅小測驗，睇下你啱養邊種啦！
計分方法：將每題選擇嘅分數加埋就得啦～
1 你覺得自己嘅性格係內向定外向？
＞ 比較內向，通常面對唔熟嘅人都係等對方主動開話題。（１分）
＞ 唔知喎，有時內向有時外向。（２分）
＞ 比較外向，就算去到新環境、見到陌生人都可以主動傾計。（３分）
2 平時出街返工，唔喺屋企嘅時間多唔多？
＞ 好多，經常加班、出差，每日都早出晚歸。（１分）
＞ 一般，固定時間返工放工，平日夜晚同假日時間都幾自由。（２分）
＞ 好少，每日時間都好自由，平時基本上都喺屋企。（３分）
3 假日行街撞到唔係好熟嘅朋友（同事），你會點做？
＞ 即刻低頭睇手機裝作無見到，心諗：千祈唔好認到我！（１分）
＞ 如果對方同我打招呼，我就會回應，否則就算啦。（２分）
＞ 主動同對方打招呼，仲會傾幾句添。（３分）
4 假日鍾意留喺屋企定出街？
＞ 放假梗係喺屋企好好休息，享受自己一個人嘅時間啦～（１分）
＞ 鍾意自己出街行下，比起同朋友一齊，更鍾意一個人外出。（２分）
＞ 放假當然要約朋友出去玩啦，自己一個人好悶，成日留喺屋企真係浪費！（３分）
5 平時幾時會主動執屋？
＞ 我有嚴重潔癖，每日都要執屋，完全忍唔到有啲咩污糟！ （１分）
＞ 唔一定嘅～ 屋企大概保持整齊，平均一至兩個星期會執一次。（２分）
＞ 無固定時間，只要屋企唔太污糟就得，真係忍唔住先會開始執。（３分）
6 而家住嘅地方有幾大？
＞ 我住一般細細間套房。（１分）
＞ 住一般家庭式單位，有客廳同埋唔止一間房。（２分）
＞ 住比較大嘅獨立屋，有兩三層樓或者有前後院活動空間。（３分）
7 早上起身會唔會賴床？
＞ 超級鍾意賴床，唔知點解總係會瞓返轉頭，幾乎每日早上都起唔到身。（１分）
＞ 放假先會賴床，平時返工返學或者有事都可以準時起身。（２分）
＞ 從來唔賴床，每日鬧鐘一響就即刻起身。（３分）
8 鍾意狗狗熱情定貓咪高冷嘅性格？
＞ 鍾意傲嬌高冷嘅貓咪，咁樣感覺仲多啲時間做自己啲嘢（１分）
＞ 貓咪狗狗都鍾意，但有啲擔心冇時間陪狗狗。（２分）
＞ 貓咪狗狗都鍾意，但有啲擔心貓咪會唔理我。（３分）
＞ 好想要熱情黐人嘅狗狗嚟撫慰心靈，好享受被需要嘅感覺！（４分）
結果：
總分： 8－14 分
適合養貓咪！
總分： 15－17 分
貓咪狗狗都啱你！
總分： 18－25 分
適合養狗狗！
－以上小測驗僅供參考－
