西貢係個值得帶埋狗狗一齊去嘅好地方,除左有好多地方比佢地放電，亦有唔少餐廳歡迎狗狗陪食，最近新開業無耐嘅WM hotel更加推出左dogcation package比主人同狗狗一齊係西貢度過一個好chill嘅假期。有興趣帶主子去度假嘅你一齊來睇下啦！
圖片&文章：Sherry | IG@ourlittlemilkis_poodle
今次我地同狗狗嘗試嘅係WM hotel 推出嘅「愛犬度假遊住宿」計劃，服務包括：
▹「愛犬度假遊住宿」計劃 ◃ 【按此查看更多】
- 兩名成人和已完全接種疫苗的寵物犬一隻（限15公斤或以下）入住天寓G/F的尊貴私人花園客房一晚（戶外設施視乎花園面積大小而有所不同）
- 免費雙人自助早餐（限於指定室外區域用餐）
- 免費泊車 （每房間可享一輛車, 僅適用於入住期間）(單次進出)
- 免費無線網絡
- 免費狗狗歡迎用品 （包括狗狗睡床、餐盤、 水盤、清潔用品、狗濕巾、垃圾袋）
- 客房內迷你吧（入住期間可享 6 罐飲品）
- 每房最多可供寵物犬兩隻入住，第二隻狗的附加費為淨價港幣$220（包括額外歡迎用品）
【入住時間】
– 3:00pm check in 🕒
– 12:00nn check out 🕛
⚠️ 酒店check in / out 需時頗長
建議提前check in避開人龍，當日我哋12點去到預先check in，3點後直接去取房卡就可以上房，如果3點人龍長得可怕 保守估計至少一個鐘先拎到房架!
【房間】
所有dogcation房間都在Sky Tower G/F，好鍾意張King size bed好大‼訓4個人都仲得😂
不過床出奇地高 第一次覺得大頭奶跳上床有點兒吃力😅
另外因為落雨 我哋只係出去小花園打個卡🌧
唔太肯定假草地乾唔乾淨～但個人覺得房間清潔做得不錯👍🏻
忌廉鮮奶在房內都冇亂屙霸地盤😌
如果你係養多過一隻狗狗嘅朋友，就需要注意package內每間房可以免費帶一隻狗狗🐶
最多可以兩隻入住，第二隻附加費為$220
【關於浴室🚽 】
係浴室(企缸)洗頭沖涼，沖到中途覺得唔太對路，點解對腳好似浸緊浴咁。
原來完全去唔到水 沖完之後水位已蓋過腳眼位，因為怕一開門啲水會湧出浴室，再流出房，本來打算靜候d水流走 點知等左5分鐘水位都冇明顯下降。
直至揭起塊板見到去水位被好多污糟野塞住，刮開啲污物之後水流依然好慢，冇咩幫助。
由於實在太凍頂唔順，開門衝出去再閂返沖涼房個門，成個廁所都已經水浸左，唯一慶幸只係流左少少出房！
其實網上見到好多朋友仔分享酒店衛生問題，例如上手排泄物仲未清走、房間地下痴笠笠。
不過我地就冇親身經歷到，但衛生問題唔expect係一間新開業不久的5星級酒店出現，希望酒店會好好關注改善😥
【關於狗狗🐶 】
酒店提供基本狗用品
睡床、尿板、食物兜、濕紙巾、垃圾袋 etc.
地板是木地板 狗狗亂屙都好易清潔👍🏻
整體ᴘᴇᴛ ғʀɪᴇɴᴅʟʏ程度不過不失～
【關於泊車🅿️ 】
個人覺得有ғʀᴇᴇ ᴘᴀʀᴋɪɴɢ幾體貼😌
⚠️ 可泊24ʜᴏᴜʀ 但只限一次進出
【關於環境🏝 】
最值得一讚係酒店整體裝潢同環境，真係幾靚，而且整體感覺都幾舒服
有個天際大泳池（狗狗不可内進） 仲有個可以瘋狂打卡的歐陸風玻璃教堂⛪
加上西貢係個幾ᴘᴇᴛ ғʀɪᴇɴᴅʟʏ的地方,仲有海灘可以比狗狗玩樂狂奔
【整體評價】
除左衛生問題，今次整體體驗都尚算不錯！
