【將軍澳全新寵物友善和洋料理店🍱日籍主廚主理 必試A4和牛三文治🐂】

將軍澳作為一個寵物友善嘅地區,一向有好多寵物用品店、獸醫診所,以及寵物友善cafe集聚四周。除左為人熟悉嘅Route99之外,最近係The Parkside亦新開左一間Pet friendly和洋料理餐廳「koi」!餐廳主打多款日式創意料理,更係由日籍主廚主理添~想知環境如何同到底有咩好食,而家就等小編為你逐一介紹啦!

圖片來源:koi、IG@chihuahua.dingding | 文章:candice

 

佔地2,600呎+自然採光設計 打卡必坐巨型共享餐桌!

餐廳由門口望入去,經已讓人感受到一種日式嘅時尚感。koi嘅裝修採用和式簡約美學同現代風格,餐廳佔地2,600平方呎,加上極致開揚嘅空間佈局,可以同時容納到100位客人!

石板地面超有特色,戶外位置容許寵物坐下進食!

IG@chihuahua.dingding 

IG@chihuahua.dingding 

最有特色莫過於佢地嘅自然採光的設計,除左可以令餐廳環境散發住溫暖舒適嘅氣氛,同時亦有種有別於地道日式居酒屋嘅熙攘繁華!講到打卡位,大家一定唔可以錯過主用餐區嘅「巨型共享餐桌」!

呢張餐桌以日本和紙做裝飾,桌下嘅燈箱係夜幕低垂時更會轉變成柔和亮光,變奏出同日間截然不同嘅氛圍。餐廳其實同時即係一間酒吧,岩曬大家放假去到一邊嘆日式料理、一邊飲番杯chill住影相~

日籍主廚三原光史先生主理  主打「和モダン(Wa Modern)」料理風格

除左環境夠曬時尚,koi嘅更係由日籍主廚三原光史先生主理!三原先生係「和モダン(Wa Modern)」嘅當代料理專家,除左從小深受日式料理文化薰陶,亦擅長以不同季節嘅食材結合中西烹調特色,創造出傳統及創意兼容嘅特色料理!

淨係見到相就知道,koi一系列嘅菜式有幾吸引啦~ 佢地嘅食材更係選擇以新鮮空運到港嘅海產炮製,主打多款壽司卷物丶特色和洋小吃丶和式燒物丶洋食意粉丶日式鍋飯同療癒甜點,真係望到都已經流曬口水啊~

 

和牛控必試A4三文治!私心推介辣味吞拿魚米餅/照燒汁鵝肝鍋飯/紅豆枝豆糰子

如果係和牛控,黎到絕對要試試koi嘅A4和牛三文治~當中嘅厚切和牛以生麵包糠包裹炸至五成熟,外酥肉嫩,配上日本特別名產麥粒味噌調配秘製醬汁,平衡番和牛嘅油膩感之餘,仲夠曬juicy!

A4和牛三文治($218)

而三原光史先生就私心推介「辣味吞拿魚米餅」,外脆內軟嘅米餅用左黎自日本宮城縣嘅「一見鍾情米」炮製而成,搭配新鮮吞拿魚蓉、秘製辣醬及墨西哥辣椒,口感層次超豐富!

辣味吞拿魚米餅($98)

同樣以「一見鍾情米」製成嘅仲有「照燒汁鵝肝鍋飯」,當中更加入左法國鵝肝,以日本燒汁煎香鵝肝後同日本富士蘋果一齊煮,讓蘋果嘅酸香中和鵝肝的油脂膩感!

照燒汁鵝肝鍋飯($168)

甜品方面,相信各位女寵主一定會鍾意低糖配方嘅「紅豆枝豆糰子」,以及揉合法日料理特色嘅「焙茶焦糖燉蛋」!

紅豆枝豆糰子($58)

除左上面各款精緻料理,koi亦有多款日式串燒同日本清酒供應。如果大家有興趣,都快D賓約埋三五知己同毛孩們一齊去放鬆下啦!

 

【INFO】

koi

地址:將軍澳唐俊街18號The Parkside第一座地下G07號舖(*注意只有門口座位可以讓寵物進入&用餐)

營業時間:星期一至五   12 am – 10pm | 星期六丶日   11 am – 10pm

電話預約:3618 8211

Share埋比朋友啦

你可能會喜歡